ب / دەستپێكێ دەستخۆشيێ ل تە دكەين ل سەر ڤێ تۆبێ و هێلانا نەكاميێ، ب راستى نەكامى ل دەف گەلەك زانايان ژ گونەهێت مەزنە، لەوا خودێ مەزن نەكامى ب گۆشت خوارنا مرۆڤان دانايە، ئەمر دكەت: ((وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ))و نەكاميا ئێكدوو نەكەن، ئەرێ ما ئێك ژ هەوە هەيە بڤێت گۆشتێ برايێ خۆ يێ مرى بخۆت؟ و هەوە نەڤێت (ڤێجا كا چەوا هەوە ئەڤە نەڤێت، دڤێت وەسا هەوە نەكاميا وى ژى نەڤێت) و دڤێت شەيتان مرۆڤى ب پيچەكيێ و ب گەلەكيێ سەردا نەبەت. نەكامى هندى هند يا مەزنە خۆ كێم و پيچەك ژى بيت گونەها وێ هەر يا مەزنە و گەلەكە، هەروەكى پێغەمبەرى (سلاڤێت خودێ لێ بن) هۆسا بۆ مە دياركرى، ڤێجا هەكە تو بشێى گەردەنا خۆ ب وان بدەيە ئازاكرن ئەڤە بۆ تۆبا تە باشترە، بەلێ هەكە يا ب زەحمەت بيت، و دێ بيتە ئەگەرێ پتر دلمانێ هينگى هەوجە ناكەت، بەلێ دوعا بۆ وان بكە ئەوێت تە غەيبەتا وان دكر هەتا تو دزانى تە هەقێ وان ل سەر خۆ راكر.. بەلێ هەكە وێ غەيبەتێ خرابيەك پەيداكريە دڤێت تو وێ خرابيێ راكەى و چارەسەركەى، چونكى ب غەيبەتا تە يا پەيدابووى، و خودێ چێتر دزانيت.
