ب / هەكە دەيباب خەمسار و موقەسەر بن د پەروەردەكرنا زارۆكێت خۆدا بێ گۆمان گونەهكار و بەرپسيارن بەرانبەرى خودێ مەزن، چونكى زارۆك د دەستێ دەيباباندا ئەمانەتن و دڤێت ڤى ئەمانەتى ب دورستى بپارێزن.. و دبيت چو دەيباب نەبێژن ئەم خەمسار و موقەسرين و مە سستى د دەرهەقێ زارۆكێت خۆدا يا كرى، بەلێ هەركەسێ ژ بچويكاتى پێگرى ب وان قويناخان نەكربيت يێت پەروەردەكرنێ ئەوێت پێغەمبەرى (سلاڤێت خودێ لێ بن) بۆ مە داناين، خەمسارى خەمسستى يا كرى. تەركەخەمە و يێ موقەسەرە بێژيت يان نەبێژيت.. مخابن زارۆك دێ گەهنە ژيێ سنێلى و موراهقيێ ژ نوى دەيباب دێ بێژن خۆزى زارۆكێت مە د باش بان. ما هەوە چ كريە هەتا د باش بن، و پشتى وەختێ زێرين يێ پەروەردەكرنێ دبۆريت, ژ نوى دێ پێكۆلا پەروەردەكرنا وان كەن, هندي د تەر كار نەكرينە بچەمينن، پشتى هشك بوون ژ نوى ڤى كارى دكەن، و يا پێدڤى ئەڤەبوو هەر ژ بچويكاتى فێرى ئەخلاقان كربان، فێرى نڤێژان كربان، بەرێ وان دابانە وى دينى ئەو دينێ ڤێ د سەرێ واندا و د دلێ واندا و د هزرا واندا دچينيت، هندى هوين باشيێ د راستا دەيباباندا بكەن هەر هوين نەشێن حەقێ وان ل سەر خۆ راكەن ئها ئەڤە يا فەرە. رەبيعا كچا موعەوزى (خودێ ژێ رازی بیت) دبێژيت: مە زارۆكێت خۆ ب رۆژى دگەل خۆ دبرنە مزگەفتێ هند د بچويك بوون هندەك جاران ژ برساندا دكرنە گرى، ئەم رادبووين مە بويكێت هريێ بۆ دورست دكرن دا برسا خۆ ژبيركەن، ئەرێ هۆسا ئەڤ بچويكە چەند جوان دێ رابن، پێغەمبەر (سلاڤێت خودێ لێ بن) دبێژيت: زارۆكێت خۆ ل ژيێ حەفت ساليێ فێرى نڤێژان بكەن و هەكە هەتا ژيێ دەه ساليێ نەكرن بقوتن. ديسا پێغەمبەرى (سلاڤێت خودێ لێ بن) بەرێ مە يێ دايە هندێ پەيڤا ئێكێ زارۆكێت مە بگرن بلا (لا اله الا الله) بيت. بەلێ مخابن ئەڤە د ناف مەدا نەمايە. دێ بينى چ ئاخفتنا كرێت و نەجوانە دەيباب وێ نيشا زارۆكێت خۆ ددەن، و دميننە پێڤە و دبێژنێ كا بێژە كا بێژە؟! و پەروەردەكرنا وى دێ هێلنە ب هيڤيا جادە و هەڤالێت خرابڤە، ڤێجا ئەڤ زارۆكە دێ رابن و ژ قورئانێ و نڤێژێ و رۆژيێ و مزگەفتێ د سل، تە دڤێت چەوا رابن و پشتى دگەهنە ژيێ سنێلى و موراهقيێ ژ نوى دەيباب دێ بێژن ئەڤى عەيالى ئەم كوشتين، نوزا چەوا دێ چێ بن. ڤێرێ پسيارەك يا فەرە ئەرێ گونەه يا وانە ئەو زارۆك خراب بووين؟! يان يا دەيبابانە؟! هاريكار بوون ل سەر خرابيێ و رێكا باش د وەختێ زێريندا نەدا بەر وان، و د قويناخێت پێدڤيدا دەست ژ پەروەردەكرنا زارۆكێت خۆ بەردابوون، و پشتا خۆ دابوونە وان.. بەلێ دەيبابێت هۆسا د گونەهكارن، چونكى وان ئەمانەت نەپاراست، و خودێ چێتر دزانيت.
