ب / ئەڤە هندێ ناراگەهينيت دەعوێ و نەسيحەتان فايدێ خۆ نينە، و هەكە وەسابا خودێ مەزن پێغەمبەر نەدهنارتن. مەخسەد ژ ڤان ئايەتان قەت ئەو نينە كو نەهەوجەى دەعوێ و شيرەتانە، نەخێر مەخسەد پێ ئاشكراكرنا راستيەكێيە ئەو ژى ئەڤەيە: هيدايەت و راستەرێكرن ب دەستێ خودێيە و ب خودێيە، و يێ خودێ بۆ نەنڤێسى بيت چەند زەحمەتێ پێڤە ببەى راستەرێ نابيت، پێغەمبەرێ مە (سلاڤێت خودێ لێ بن) پێغەمبەر بوو و سەردارێ پێغەمبەران بوو (سلاڤێت خودێ لێ بن)، چەند حەزكر ئەوێ زێدە پشتەڤانيا وى كرى تۆبە بكەت و بێتە سەر رێكا راست، بەلێ نە ب دەستێ پێغەمبەريە و دگەل هندێ ژى پێغەمبەرى (سلاڤێت خودێ لێ بن) دەست ژ شيرەتان بەرنەدا و بەردەوام ب مامێ خۆڤە خۆ هەتا گاڤێت دويماهيا وى ژى.. و خودێ مەزن ب خۆ ئەمرێ مە دكەت ئەم دەست ژ دەعوێ و ئەمرێ ب مەعرووفى و شيرەتان بەرنەدەين، دبێژيت: ((ادْعُ إِلَى سَبِيلِ)) و دبێژيت: ((وَمَنْ أَحْسَنُ قَوْلًا مِمَّنْ دَعَا إِلَى اللَّهِ)) و دبێژيت: ((قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي)) و ئەڤە ئەو ئايەتێت تێدا ئەمرێ مە كرى نەسيحەتا خێرێ بكەين، و د چەند ئايەتاندا ئەمرێ مە كريە ئەم ئەمرى ب مەعرووفى بكەين، بۆ نموونە: ((وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ)) و پێغەمبەر (سلاڤێت خودێ لێ بن) دينى هەميێ د نەسيحەتێرا كۆم دكەت: ((الدين النصيحة)) و ئەڤ تێگەهشتنا تە گۆتى ژ كەڤندا و سەر دەمێ پێغەمبەرى (سلاڤێت خودێ لێ بن) موشركان ژى ئەو هێجەت دگۆت دا داننە بەر رويێ خۆ و دگۆتن: ((سَيَقُولُ الَّذِينَ أَشْرَكُوا لَوْ شَاءَ اللَّهُ مَا أَشْرَكْنَا وَلَا آبَاؤُنَا وَلَا حَرَّمْنَا مِنْ شَيْءٍ كَذَلِكَ كَذَّبَ الَّذِينَ مِنْ قَبْلِهِمْ حَتَّى ذَاقُوا بَأْسَنَا قُلْ هَلْ عِنْدَكُمْ مِنْ عِلْمٍ فَتُخْرِجُوهُ لَنَا إِنْ تَتَّبِعُونَ إِلَّا الظَّنَّ وَإِنْ أَنْتُمْ إِلَّا تَخْرُصُونَ)) ئانكو: ئەوێت هەڤال و هەڤپشك بۆ خودێ چێكرين دێ بێژن: ئەگەر خودێ ڤيابايە نە مە و نە باب و باپيرێت مە شرك نەدكر، و مە چو تشت ژ دەف خۆ حەرام نەدكر، هەروەسا ئەوێت بەرى وان ژى ئەو درەو دكرن و پێغەمبەرێت خۆ درەوين ددانان هەتا تامكرينە ئيزايا مە، بێژە ئەرێ هەوە دەليل و زانينەك ل سەر گۆتنا هوين دكەن هەيە؟ ب راستى هوين ژ گۆمانێ و شكێ پێڤەتر ل دويف چۆيێ دي ناچن و هوين ژبلى درەوێ چو يێ دى نابێژن. ڤێجا ئايەت يا ئاشكرايە يێ بێژيت ما نەسيحەت و دەعوە بۆچيە ئەو ژ درەوينانە، و خودێ چێتر دزانيت.
