ب / پێدڤيە موسلمان يێ خێرخواز بيت و حەژ خێرێ و چاكخوازي و پێكهاتنێ و پێكخۆشيێ بكەت و رێكێت دلمانێ بگريت، چونكى موسلمان هەمى خويشك و برايێت ئێكن، لەوا خودێ مەزن دبێژيت: ((إِنَّمَا الْمُؤْمِنُونَ إِخْوَةٌ)) هنديكە خودان باوەرن خويشك و برايێت ئێكن، لەوا دڤێت بەردەوام مرۆڤ پالێ خێرێ بيت و چو جار پالێ خرابيێ نەبيت. ئەو كەسێ دبيتە ئەگەرێ هەلئێخستنا فيتنێ لەعنەت يێ ل وى هاتينەكرن و لەعنەت ژى نەيا كێمە، بێ باريە ژ دلۆڤانيا خودێ، پێغەمبەر (سلاڤێت خودێ لێ بن) دبێژيت: ((الفتنة نائمة لعن الله من ايقضها)) فتنە و بەلا يا نڤستيە لەعنەتێت خودێ ل وى بن يێ هشياركەت، ديسا پێغەمبەرێ خوشتڤى (سلاڤێت خودێ لێ بن) دبێژيت هەروەكى دڤەگێرا بوخارى و موسلميدا هاتى: (لا يدْخُلُ الجنە نمَّامٌ) ئانكو: يێ ئاخفتن ڤەگوهێز (بۆ هلئێخستنا فتنە و نەخۆشييان) ناچيتە بەحەشتێ، ڤێجا ب راستى گونەها وێ نەيا كێمە و عەزابا وێ ژى نەيا كێمە، پێدڤيە مرۆڤێ موسلمان ژ فەساديێ يێ دوير بيت، و خودێ چێتر دزانيت.
