ب / ب چو رێكان دورست نينە بۆ مرۆڤێ موسلمان نێزيكى كوشتنێ ببيت ب خەلەتى و بێ دەستى نەبيت، خودێ مەزن دبێژيت: ((وَمَا كَانَ لِمُؤْمِنٍ أَنْ يَقْتُلَ مُؤْمِنًا إِلَّا خَطَأً)) بۆ چو خودان باوەر و موسلمانان نابيت و نەدورستە باوەردارەكى بكوژيت ب بێ دەستى نەبيت. پاشى ئەمر كر: ((وَمَنْ قَتَلَ مُؤْمِنًا خَطَأً فَتَحْرِيرُ رَقَبَةٍ مُؤْمِنَةٍ وَدِيَةٌ مُسَلَّمَةٌ إِلَى أَهْلِهِ إِلَّا أَنْ يَصَّدَّقُوا)) هەتا دگەهيتە ((فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِنَ اللَّهِ وَكَانَ اللَّهُ عَلِيمًا حَكِيمًا)) ئانكو: هەركەسێ باوەردارەكى بێ دەستى بكوژيت جزايێ وى ئەوە خوينێ ژى بدەت و بەندەيەكي موسلمان ژى ئازا بكەت، و يێ بەندە ب دەست نەكەڤيت يان شيان نەبن ب دەست خۆ بێخيت تۆبا وى ئەڤەيە: دوو هەيڤان ل سەرێك بێ ڤەبرين ب رۆژى بيت.
ڤێجا ئەو شوفێرێت سستيێ د ياسا و شيرەتێت هاتن و چۆنێدا دكەن ئەو د گونەهكارن و دڤێت ژبلى خوينێ كەفارەتێ ژى بدەن ، دوو هەيڤان ل سەرێك ب رۆژى بن.
بەلێ هەكە شوفێرى چ كێم چ زێدە سەرپێچى و موخالەفە نەكريە نە د ياسا و شيرەتێت هاتن و چۆنێدا و نە كو ئاگەه ژ خۆ نەبوويە و هەمى موخالەفە دكەڤيتە رەخێ دى چو ل سەر شوفێرى ناچيت، بەلێ هەكە خۆ چەند كێم ژى بيت موخالەفە هەبيت.. چ د لەزێدا يان د هەر تشتەكێ ديدا هينگێ دڤێت خوينێ ژى بدەت و كەفارەتێ ژى بدەت، و خودێ چێتر دزانيت.
