ب / هەكە نەموسلمان جوى و فەلە بن ئانكو: خودان كتێب بن زادێ وان و دەستكوژێ وان ئانكو: ئەو گيانەوەرێ وان ڤەكوشتى يێ حەلالە و يێ دورستە، و حەديسێت پێغەمبەرى (سلاڤێت خودێ لێ بن) و قورئانا پيرۆز دەستكوژێ وان حەلال دكەن. خودێ مەزن دبێژيت: ((وَطَعَامُ الَّذِينَ أُوتُوا الْكِتَابَ حِلٌّ لَكُمْ)) ئانكو: دەستكوژێ فەلە و جوهيان بۆ هەوە يێ حەلالە، بەلێ نەموسلمان ژبلى جوهى و فەلەيان ڤێجا چ مەجووسى بن چ موشرك بن، چ ئەو بن يێت سەرداچۆين و ئيسلام هێلاين دەستكوژێ وان يێ حەرامە و نەيێ دورستە، بەلێ خوارنا زادێ وان يێ عادى دورستە چو تێدا نينە، و خودێ چێتر دزانيت.
