ب / هەكە چۆنا دەرڤە خۆ بۆ گەريان و سياحێ ژى بيت و دا پتر دنيايێ بينيت و مەزناتيا خودێ بۆ ديار ببيت.. چو قەيدى نينە، بەلێ ب مەرجەكي پارێزيێ ل خۆ بكەت و سستى نەكەڤيتە نە د بيروباوەرێت ويدا و نە د ئەخلاقێ ويدا و نە د عيبادەتێ ويدا.
ڤێجا دڤێت ئەوێ دچيتە دەرڤە، ئاگەه ژ خۆ هەبيت و حوكمێ هەميان وەكى ئێك نينە يێ بزانيت وێرێ دێ خراب بيت و سەردا چيت بۆ وى نەدورستە بچيتە وێرێ، و هەكە چۆ ژى، نابيت بمينيتە ل وێرێ. بەلێ هەكە خۆ راگريت و كارلێكرنا خراب لێ نەئێتەكرن و خۆ بپارێزيت و دەست ژ بيروباوەرێت خۆ و رەوشت و ئەخلاقێت خۆ بەرنەدەت، يێ هۆسا چو نينە بچيتە دەرڤە و بمينيتە ل وێرێ ژى، بەلێ يێ نەشێت خۆ زەبكەت و بكەڤيتە د خەلەتيێدا بۆ وى نەدورستە.
ديسا بۆ دەيبابان ژى نەدورستە بميننە ل وێرێ ئەوێت نەشێنە زارۆكێت خۆ، و زارۆك دێ ژ دەستێت وان دەركەڤن. دڤێت ئەو زوى سەرخاترا دينێ خۆ؛ دا زارۆكێت وان سەردا نەچن ئێك رۆژ ژى نەمينن پشتى بۆ وان ئاشكرا بووى هندى ئەو ل وێرێ بن دێ زارۆكێت وان هەر د خراب بن، و چو هێجەت وان نينە بێژن مانێ ئەم نەشێينێ.. و يا ژ ڤێ خرابتر ئەو عەيالێ خۆ دهێلن و دزڤرن ب هێجەتا وێرێ نەجهێ وانە و ئەو نەشێن ل وێرێ بن. باشە پا چەوا چێدبيت هوين عەيالێ خۆ بهێلنە ل وێرێ. و هەكە چۆنا وى بۆ دەرڤە ئەگەرەكێ شەرعى هەبيت، بۆ نموونە: يێ چۆى دا بخوينيت و باوەرنامەيەكێ وەرگريت يان دا مفايەكي بگەهينيتە خۆ و ملەتێ خۆ يان بۆ چارەسەريێ ژ نەساخيەكێ هنگى نەبەس دورستە، بەلێ خودان خێرە ژى، و خودێ چێتر دزانيت.
