ب/ خودێ مەزن دبێژيت: ((كُلُّ نَفْسٍ بِمَا كَسَبَتْ رَهِينَةٌ)) هەر ئێك رۆژا قيامەتێ ب كار و كريارێت خۆڤە يێ گرێدايە. ڤێجا دڤێت هەر ئێك خەما خۆ بخۆت، و هەكە ئەم نەشێين خەلكى چێكەين و باشكەين ئەم دشێين خۆ چێكەين و نەكەڤينە د حەراميێدا و خۆ ژ حەرامى بدەينە پاش، و خودێ هند ل مرۆڤى دگريت هندى د شيانێت مرۆڤيدا، لەوا خودێ مەزن دبێژيت: ((لَا يُكَلِّفُ اللَّهُ نَفْسًا إِلَّا وُسْعَهَا)) و د ئايەتەكا ديدا دبێژيت: ((فَاتَّقُوا اللَّهَ مَا اسْتَطَعْتُمْ)) ژبەر هندێ پێدڤيە مرۆڤ دويف شيانێت خۆ ژ خودێ بترسيت و خەما حەلالى و حەرامى بخۆت و خۆ ژ حەرامى دويربێخيت و ب شريعەت مرۆڤى هێجەت نينە بێژيت: ئەژى تباى عامێ، نەخێر.. ئەڤە نەدورستە، و خودێ چێتر دزانيت.
