ب / هەر گاڤا وى راست و دورست تۆبەكر ب ئانەهيا خودێ تۆبا وى يا قەبويلە و خودايێ دلۆڤان كەسێ ژبەر دەرگەهێ خۆ نازڤرينيت.. بەلێ ل سەر وى پێدڤيە خۆ ژ وى پارەى خلاس بكەت، مەخسەدا من ئەو نينە باڤێژيت يان بسۆژيت، بەلێ پێدڤيە كار بكەت بۆ خودانا بزڤرينيت هەكە بشێت، و هەكە نەشيا ـ چونكى ئەڤە دێ كێشيتە بەلايەكا مەزن و بێ سومعەتيێ ـ بلا بۆ خودانى بكەتە خێر، و ئەگەر پارێ وى ژ ريبايێ هاتيە بلا سەرێ مالێ خۆ تنێ بگريت و يێ دى خۆ ژێ خلاسكەت.. چ بدەتە فەقيران يان بدەتەف دەزگەهەكێ خێرێ دا د هەوجەييێت گشتيدا بێتە مەزاختن. و ئانەهيا خودێ تۆبا وى يا دورستە، و خودێ چێتر دزانيت.
