ب / پێدڤيە ئەم بزانين ئيسلام دينەكە حەژ گونەهێ ناكەت بێتەكرن، و حەز ناكەت ئاشكرا ببيت ژى، ژبەر هندێ ئەسل ئەوە گونەهكار بێتە ستارەكرن نەخاسمە ئەوێ خودێ ستارەكرى و بۆ خۆ تۆبەكرى، پشتى تەوبێ و خۆزڤرينێ ئاشكرا بكەت و ئەو پەردا خودێ ل سەر دانايى مرۆڤ راكەت. بەلێ هەكە يێ بەردەوام بيت ل سەر گونەها خۆ، ديسا ئەسل تێدا بێتە ستارەكرن، بەلێ دگەل ڤێ ستارەكرنێ دڤێت شيرەت و نەسيحەت ب تنێ لێ بێنەكرن، دا گونەها خۆ بهێليت و نەمينيتە د گونەها خۆدا، بەلێ هەكە ل خۆ نەزڤرى و تۆبە نەكر، و بەردەوام بوو ل سەر گونەها خۆ، هەر دێ ستارەكەى، بەلێ نە ژ هەمى مرۆڤان دێ تنێ بۆ وان ئاشكەراكەى ئەوێت دشێن وى براوەستينن و شەرمێ ژێ بكەت، و ئەڤە ژ بابەتێ ئەمرى ب مەعرووفيە و نەهى ژ مونكەرى، و ئەم ژبير نەكەين يێ ئێكى د دنيايێدا ستارەكەت، خودێ دێ وى رۆژا قيامەتێ ستارەكەت و شەرمزار ناكەت. پێغەمبەر (سلاڤێت خودێ لێ بن) دبێژيت: (من ستر مسلما في الدنيا ستره الله يوم القيامة)، چەند مرۆڤ ڤى تشتى ژ خۆ دبەن.. هێژ ب دورستى تشتەك ژ ئێكى نەزانى بلا د مسۆگەر ژى نەبن تە هند ديت بەلاڤكر و ئاشكەراكر، ئەڤە گەلەكا خەلەتە و نەيا دورستە، دڤێت مرۆڤ گونەهێت خۆ ژى ڤەشێريت و يێت موسلمانان ژى ڤەشێريت، بەلێ دگەل ڤەشارتنێ شيرەت و نەسيحەت واجبە، و خودێ چێتر دزانيت.
