ب / دەستپێكێ ئەم دەست خۆشيێ ل تە دكەين و تۆبا تە ل تە پيرۆز دكەين و دوعا سەرفەرازيێ بۆ تە دخوازين كو تو بشێى حەقێ تۆبا خۆ بدەى و ل سەر تۆبا خۆ بمينى، بەلێ دڤێت ئەم مەرجێت تۆبێ بزانين مە دوو رەنگێت گونەهێ يێت هەين، گونەها ب مرۆڤي ب تنێڤە گرێدايى و گونەها تەڤگر ئەوا پەشێمانى ب تنێ بۆ بەس نەبيت، بەلكى دڤێت مرۆڤ وێ خەلەتيا مرۆڤى كرى چارەسەر و دورست بكەت، لەوا خودێ مەزن د راستا واندا ئەوێت گونەها وان ڤەشارتنا حەقيێ و ب وێ ڤەشارتنآ خەلك سەرداچۆى گۆت: ((إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَى مِنْ بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ))(( إِلَّا الَّذِينَ تَابُوا وَأَصْلَحُوا وَبَيَّنُوا فَأُولَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ)) ب راستى كەسێت نيشانێت ئاشكەراكەر و راستەرێييا مە ئيناييە خوارێ، پشتى مە بۆ خەلكى د كتێباندا ئانكو: د تەورات و ئنجيلێدا رۆنكرى، ڤەدشێرن، خودێ لەعنەتێ ل ڤان دكەت، و لەعنەتكەر ژى لەعنەتان لێ دكەن. ژبلى وان ئەوێت پشتى هنگێ تۆبە كرين و قەنجى كرين و تشتێ ڤەشارتى ئاشكەرا كرين، ئەڤێت هەنێ ـ ئانكو: ئەوێت پشتى تۆبا خۆ خەلەتيا خۆ نەبەس هێلاينە بەلكى ئەو خەلەتى دورست و چارەكرينە ـ ئەز دێ تۆبەيێ دەمە سەر وان، و ئەزم تۆبەوەرگر و دلۆڤان. ژبەر هندێ پێدڤيە ئەڤ خويشكە هندى بشێت پشتى تۆبێ وێنەييێت خۆ بزڤرينيتەڤە و ئەگەر هندەك مان و نەشيا هنگى خودێ لێ ناگريت و ل ڤێرێ من دڤێت بێژم دڤێت كچ هەتا وێنەكى بگريت ـ دگەل كێ بيت ـ دڤێت چەند جار و چەندجاران هزرا خۆ بكەت دا نەكەڤيتە د ڤى كراسيدا، و خودێ چێتر دزانيت.
