ب / ب شويكرنا دەيكێ مافێت وێ ل سەر زارۆكێت وێ نارابن، و دێ هەر مينيت دەيكا وان، و دڤێت ئەو مافێت وێ بۆ بزانن، كا چاوا هەكە دەيك مر باب ما ساخ هێژ بەهى و تازى نەرابووى دێ پستەپستێ بۆ كەن و بێژنێ دڤێت تو ژنەكێ بينى، وەسا ژنێ ژى مافێ هەى پشتى ژڤانێت وێ ب دوماهى دئێن ـ چار هەيڤ و دەه رۆژ هەكە يا ب حال نەبيت ـ شويكەت و ئەڤە مافەكێ ئاساييە و كەسآ ماف نينە خۆ ژێ عێجزكەت، يان زارۆكێت وێ ژ وێ ڤەگريت، ئەڤە گونەهە و ستەم و زولمە، مخابن رێز و سەروبەرێت مە؛ زەلامى مافێ هەى رۆژا دويێ ژنێ بينيت هەكە ژنا وى مر، و نەخۆشى و ئيزا بۆ ژنێ بن هەكە وێ هزرا شويكرنێ كر پشتى زەلامآ وێ دمريت بلا يا بچويك ژى بيت ئەڤە يا خەلەتە و نەيا دورستە. سەلەف و پێشايێت باش هەكە كچا وان مابا بێ مێر و زەلامێ وێ مربا ئەو بۆ كچا خۆ لێدگەريا و دگۆتە هندەكان تە كچا من نەڤێت بۆ خۆ بينى و دبو بەرچاڤى دوو سێيەكان كربا، وەكى عومەرێ كورێ خەتابى (خودێ ژێ رازی بیت)، ئها ئەڤەيە تێگەهشتنا راست و دورست، فەرق و جوداهي د ناڤبەرا ژن و زەلاماندا نەهێتەكرن، كا چاوا زەلام پێدڤى ژنێيە هەكە ژنا وى چۆ بەر دلۆڤانيا خودێ، وەسا ژن ژى دبيت يا پێدڤى شويكرنێ بيت، دڤێت د رێكا وێدا نەراوستن و مەنعا وێ نەكەن، ڤێجا خودێ خێرا مامێ هەوە مەزنكەت وى خێرەكا مەزن ب دەستخۆڤە ئينا و ئانەهيا خودێ رۆژا قيامەتێ دێ ململانێ دگەل پێغەمبەرێ خۆشتڤى كەت (سلاڤێت خودێ لێ بن)، بەلێ بۆ وى نينە هەوە ژ دەيكا هەوە دويربێخيت و هندى هوين بشێن دڤێت دگەل دەيكا خۆ د باش بن و كا هەوە چەند پێچێدبيت هند هوين د بەرپسيارن، ئەوا هوين نەشێن خودێ ل هەوە ناگريت، و خودێ چێتر دزانيت.
