ب / دڤێت ئەم بزانين عەيال ئەمانەتن د ستۆيێ دەيباباندا، و دڤێت بزانيت كا دێ چاوا وى ئەمانەتى پارێزيت و رۆژا قيامەتێ دێ پسيار د راستا واندا ژ وان هێتەكرن كا وان چاوا ئەڤ ئەمانەتە پاراست، و دڤێت رێكێت خەلەت و نەدورست نەدەتە بەر خۆ د راكرن و پەروەردەكرنا واندا، و داخكرن و ئێشاندنا وان ب دژوارى يا خەلەتە و حەرامە و نەيا دورستە، و ئەڤ دەيكە يا خەلەتە ئەڤ رێكە هەلبژارتى بۆ پەروەردەكرنا وان، و رێكێت نەرم و دلۆڤانيآ گەلەك و گەلەك باشترن و ئەو دورستن و يێت دى حەرام و خەلەتن. ئيمامآ بوخارى (خودێ ژێ رازی بیت) ژ ئبن عەباس (خودێ ژێ رازی بیت) ڤەدگێريت دبێژيت: پێغەمبەرێ خودێ (سلاڤێت خودێ لێ بن) نەهيا ژ داخكرنێ كرى، ژبەر هندێ دڤێت دووجاركرى خۆ ژ داخكرنێ دويربێخين، ئێك: جارەكآ رێكەكا زيانكارە و نەيا مفادارە، دوو: پێغەمبەرى (سلاڤێت خودێ لێ بن) نەهيا ژێ كرى، و چو بۆ ڤآ چەندآ نينە هەكە قورئان خوين دەركەفت خێرا وى و قورئان خواندنا وى ناگەهيتە دەيبابان ئەوێت ئەو داخكرين، يا فەر ئەڤ خويشكە تۆبە بكەت و ل خۆ بزڤيت و پەشێمان ببيت و جارەكا دى نەزڤريتە ڤى كاريڤە و هەرگاڤا بيرا وێ هاتە ڤى كارى دلێ وێ نەخۆش ببيت بۆ خۆ گونەهژێبرنێ بخوازيت بەلكى خودێ لێ ببۆريت و گونەهێت وێ ژێ ببەت، و خودێ چێتر دزانيت.
