ب / خويشك برا گەل گەهشتنە دەهـ ساليێ دڤێت تخويبان بۆ تێكەليێت خۆ بدانن، و دەيبابان ئاگەهـ ژ ڤێ چەندێ هەبن، و جهێت وان ژێك بێنە جوداكرن، و سەر دۆشەكەكێ و بن لحێفەكێڤە نەنڤن، چونكى پێغەمبەرێ خۆشتڤى (سلاڤێت خودێ لێ بن) هەروەكى ئەبو داوودى ڤەگێراى، دبێژيت: فەرمان و ئەمرێ بچويكێت خۆ ب كرنا نڤێژان بكەن، و ئەو حەفت سالى، و سەرا نەكرنا نڤێژان بقوتن و ئەو دەه سالى، و جهێت وان ژێك جوداكەن. و هەر ترانەك حەرام د ناڤبەرا بيانياندا.. د ناڤبەرا خويشك و براياندا ژى يا حەرامە، و نابيت ئەو تخويبان بهێلنە ڤەكرى، و هەر ترانەكا هەبيت بكەن نەخاسمە ئەوێت شەرمێ بريندار دكەن و شەرمێ دكوژن، چونكى خەملا مرۆڤى و رێز و حورمەتا وى ب شەرمێڤە ياگرێدايە، هەكە نەما دبيت د گەلەك خەلتياندا بكەڤيت، چونكى تشتێ مرۆڤى ژ خرابيێ ددەتە پاش شەرمە، و بوخارى (خودێ ژێ رازی بیت) ژ ئەبى مەسعودێ ئەنسارى (خودێ ژێ رازی بیت) ژ پێغەمبەرێ خودێ (سلاڤێت خودێ لێ بن) ڤەدگێريت: ژ ئاخفتنێت پێغەمبەرێت ئێكێ گەهشتيە خەلكى: هەكە تو شەرم نەكەى وێ بكە يا تە بڤێت (ئانكو شەرمە مرۆڤى ژ گونەهێ ددەتە پاش، و هەكە شەرم نەما چو وى ژ خرابيێ ناڤەگريت)، و خودێ چێتر دزانيت.
