ب / هەكە وى باوەرى ب رۆژى و نڤێژان نەبيت و سڤكيێ پێ دكەت.. هنگى ئەو نەموسلمانە بلا ناڤێ وى ناڤێ موسلمانان بيت، و دويندەها موسلمانان بيت، و دڤێت سەرەدەريا نەموسلمانان دگەل بێتەكرن. كورێ نوح پێغەمبەرى چونكى باوەرى پێ نەئينا خودێ مەزن ژ موسلمان و باوەرداران نەدانا، خودآ مەزن گۆتە نوح پێغەمبەرى (سلاڤێت خودێ لێ بن) پشتى پسيارا كورێ خۆ كرى: ((قَالَ يَا نُوحُ إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ فَلَا تَسْأَلْنِ مَا لَيْسَ لَكَ بِهِ عِلْمٌ إِنِّي أَعِظُكَ أَنْ تَكُونَ مِنَ الْجَاهِلِين)) هەى نووح ب راستى ئەو نە ژ مالا تەيە، ئەو كارەكى نەهاتيە، مەهدەرا تە بۆ كورێ تە كارەكى نەهێژا و لايقى تەيە، ڤێجا پسيارا وى تشتى ژ من نەكە يێ تە ئاگەهـ ژێ نە، ب راستى ئەز شيرەتان ل تە دكەم، دا تو ژ نەزانان نەبى. بەلێ دگەل هندێ ژى خێر و سەدەقە دورستن بدەنێ، و دورستە باشى دگەل بێتەكرن، بەلێ نەدورستە زەكات و فتران بدەنێ، بەلێ هەكە ژ بێخيرەتى، نڤێژان نەكەت، نە ژ بێ باوەرى، هنگى ل دويف بۆچۆنا ب هێزتر ئەو نەكافرە، و دورستە خێر و خێرات دگەل بێنەكرن، و دورستە تێكەليا وى ژى بێتەكرن؛ دا بەردەوام بێتە شيرەتكرن، بەلكى خودێ مەزن دلێ وى نەرمكەت و ئاخفتنەكێ وەرگريت و ل خۆ بزڤريت، بەلێ تێكەلى تشتەكە و بكەيە هەڤالێ خۆ تشتەكێ ديە، ئەز هەڤال ناهەلگرم؛ چونكى دێ زيانێ گەهينيتە من، ئەڤرۆ نە، سوبەهى. و پێغەمبەرى (سلاڤێت خودێ لێ بن) ئەم يێ ژ هەڤالێ خراب ترساندين هەروەكى ترمزى و ئەبو داوودى ڤەگێراى، دبێژيت: (الرَّجُلُ عَلَى دِينِ خَلِيلِهِ، فَلْينْظرْ أَحَدُكمْ مَنْ يُخَالِلُ) مرۆڤ يێ ل سەر دينێ هەڤالێ خۆ، ڤێجا بلا هەرێك ژ هەوە بەرێ خۆ بدەتێ كا دێ هەڤالينيا كێ كەت. و د حەديسەكا ديدا ديسا هەروەكى ترمزى و ئەبو داوودى ڤەگێراى، دبێژيت: (لا تُصَاحبْ إِلاَّ مُؤمِناً) هەڤالينيا كەسێ نەكە موسلمان و باوەردار نەبيت، و خودێ چێتر دزانيت.
