ب / جارەكێ ئەڤە گۆتنەكا نەدورستە، و نەحەيسە، و چو بنياتێ دورست بۆ نينە، و بەس ئاخفتنە ل سەر زارێ خەلكى، و موخالفي شەرعى و سونەتا پێغەمبەريە (سلاڤێت خودێ لێ بن)، و دورستە هەكە ديارى بۆ من هات ئەز دەستكاريێ تێدا بكەم ب كەمە ديارى، يان بفرۆشم، و چو بنيات بۆ هندێ نينە كو نابيت دەستكارى د دياريێدا بێتەكرن چ ب دياريكرن يان ب فرۆتن. عەبايەكێ ئارمويشى ديارى بۆ پێغەمبەرى (سلاڤێت خودێ لێ بن) هات، كرە ديارى بۆ ئيمام عەلى و گۆتێ: بكە دەرسۆك بدە فاتيمايان ـ فاتيما كچا وى، و فاتيما كچا ئەسەدى، دەيكا ئيمام عەلى، و فاتيما كچا ئيمام حەمزە، دۆتماما ئيمام عەلى ـ خودێ ژ هەميان رازى بيت، هەلبەت ئەڤە حەديسا بوخاريە. ديسا بوخارى و موسلم ڤەدگێرن ئيمام عومەرى (خودێ ژێ رازی بیت) عەبايەكێ ئارمويشى ژ سويكێ ئينا.. گۆتە پێغەمبەرى (سلاڤێت خودێ لێ بن): هەكە تو ڤى عەباى بۆ خۆ بهەلگرى بكەيە بەر خۆ، دەمێ پێشوازيا شاندا دكەى، گۆتێ: عومەر.. ئەڤە جلكێ وانە يێ پشك و بار قيامەتێ نەى، دەمەك نەچۆ پێغەمبەرى (سلاڤێت خودێ لێ بن) عەبايەكێ وەسا ديارى بۆ عومەرێ كورێ خەتابى هنارت، زڤرى هاتە دەف پێغەمبەرى (سلاڤێت خودێ لێ بن) گۆتێ: يا پێغەمبەرێ خودێ تو دبێژى ئەڤە جلكێ وانە يێ پشك و بار قيامەتێ نەى، و تو ڤى عەباى بۆ من دهنێرى! پێغەمبەرى (سلاڤێت خودێ لێ بن) گۆت: بۆ خۆ بفرۆشە يان پێدڤيەكا خۆ پآ بقەتينە، هۆسا ديار دبيت ديارى دهێتە فرۆتن ژى و دهێتە دياريكرن ژى. ديسا ئيمامێ شافعي (خودێ ژێ رازی بیت) دبێژيت: ئەز ل دەف ئيمام مالك بووم (خودێ ژێ رازی بیت) هێسترەك ديارى بۆ هات، قەبويلكر، و كرە ديارى بۆ من ،و گۆت ئەز ل باژێرآ پێغەمبەرى (سلاڤێت خودێ لێ بن) ل دەواران سويارنابم، و خودێ چێتر دزانيت.
