ب / ژ رەوشت و ئادابێت خوارنێ هەرئێك ژ بەرۆكا خۆ بخۆت و دەستێ خۆ نەبەتە بەرۆكا ئێكێ دى، ديسا ژ رەوشتێت خوارنێ ژ نيڤا ئامانى نەهێتە خوارن، و ژ رەخ و رويان دەست پێ بكەن، و بگەهيننە نيڤا ئامانێ خوارنێ، چونكى پێغەمبەر (سلاڤێت خودێ لێ بن) دبێژيت: بەرەكەت د نيڤا خوارنێدا دهێتە خوار، ڤێجا ژ رەخێت وێ بخۆن و ژ نيڤا وێ نەخۆن. و دەرهەقێ خوارنێ ژ بەرۆكا مرۆڤى بوخارى و موسلم ژ عومەرێ كورێ ئەبو سەلەمە عەبدوللايێ كورآ عەبدلئەسەدى نەڤسيێ پێغەمبەرى (سلاڤێت خودێ لێ بن) ڤەدگێرن دبێژيت: (كُنْتُ غُلاماً في حجْر رسول اللَّه صَلّى اللهُ عَلَيْهِ وسَلَّم، وكَانَتْ يدِي تَطيشُ في الصَّحْفَة، فقال لي رسولُ اللَّه صَلّى اللهُ عَلَيْهِ وسَلَّم: يا غُلامُ سمِّ اللَّهَ تعالى، وَكُلْ بِيمِينِكَ، وكُل ممَّا يليكَ، فَما زَالَتْ تِلْكَ طعْمتي بعْدُ) عومەرێ كورێ ئەبى سەلەمە عبدوللايێ كورێ عەبدلئەسەدى نەڤسيێ پێغەمبەرێ خودێ (خودێ ژێ رازی بیت) گۆت: ئەز جەحێلۆك بووم و ل دەف پێغەمبەرێ خودێ بووم (سلاڤێت خودێ لێ بن)، دەستێ من ل دۆر سێنيكێ دزڤرى، ئينا پێغەمبەرێ خودێ (سلاڤێت خودێ لێ بن) گۆت: يا جەحێلۆك.. ناڤێ خودێ مەزن بينە، و ب دەستێ خۆ يێ راستێ بخۆ، و ژ بەرۆكا خۆ بخۆ. ژ هنگى وەر خوارنا من يا وەسايە.
و پتريا زانا دبێژن خوارن ژ نيڤا ئامانى يان ژ بەرۆكا ئێكێ دى مەكروه و نەباشە، بەلێ ئيمامێ شافعي (خودێ ژێ رازی بیت) دبێژيت: خوارن ب رەنگێ بۆرى حەرامە نەمەكروهە، چونكى ژ نيڤا ئامانى بەرەكەتآ رادكەت و ناهێليت، و ژ بەرۆكا ئێكآ دى زێدەگاڤيە ل سەر مافێ وى و ئەڤە ژى يا حەرامە، بەلێ هەكە خوارن فێقى بيت يان قەسپ بن يان هەرتشتەكآ د ڤێ رامانێدا دورستە پێگرى ب بەرۆكا تايبەتڤە نەهێتەكرن ئەڤە هەكە پشك و بار نەهاتبنە ژێكڤەكرن، و هەكە هاتبيتە ژێكڤەكرن هنگى نابيت كەس دەستآ خۆ درێژكەت پشك و بارێت يآ دى، و خودێ چێتر دزانيت.
