ب / يێ خودێ زارۆكەك دايێ، نيعمەتەكا مەزن دگەل كر، ڤێجا دڤێت ژ دل شوكرا وى بكەن ب ئەزمان و ب كريار، و ب كريار پتر، چونكى خودێ دبێژيتە بنەمالا داوود پێغەمبەرى پشتى كەرەمێت خۆ بۆ داينە نياسين: ((اعْمَلُوا آلَ دَاوُودَ شُكْرًا)) و نەگۆتێ (قولوا شكرا) ئانكو شوكرا ب كريار بكەن و تماميا ئايەتێ دبێژيت: ((يَعْمَلُونَ لَهُ مَا يَشَاءُ مِنْ مَحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَاسِيَاتٍ اعْمَلُوا آلَ دَاوُودَ شُكْرًا وَقَلِيلٌ مِنْ عِبَادِيَ الشَّكُورُ)) تشتێ سولەيمانى بڤێت ئەجنە بۆ چێ دكەن، ژ ئاڤاهى و مزگەفت و پەيكەران، و لەگەنێت مەزن يێت وەكى جابيان، و قازانێت ل سەر كوچكان راوەستيايى هندى هند د مەزن بوون نەدهاتنە راكرن، و مە گۆتە وان: مالا داوودى شوكرا خودێ ب كريار بكەن، و كێمەك ژ بەندەيێت من شوكردارن.
و پاشى باشە ئەڤ كارە بێنەكرن، ئێك: د گوهێ وى يێ راستێدا بانگدەن و قامەتێ د يێ چەپێدا بگرن، دوو: پرچێ وى بێتە ژێڤەكرن و سەنگ و كێشا وى زێر يان زيڤ هەلبەت بهاكرنا وى زێرى و زيڤى سەدەقە بێتەدان، سێ: عەقيقە بۆ بێتەدان، چار: ناڤەكآ باش و نەيآ كرێت و نەيآ بآ هيڤى داننە سەر، پێنج: هەكە كۆر بيت بێتە سونەتكرن، شەش: خەمآ ژ پەروەردەكرنا وى بخۆن سەر بنياتەكآ دورست و دويف رێكا پێغەمبەرى (سلاڤێت خودێ لێ بن) هەر ژ رۆژا ئێكآ هەتا دبيتە سەميان و مەزن دبيت، و خودێ چێتر دزانيت.
