ب / پێدڤيە شيرەتكەر بزانيت هەكە بڤێت شيرەتا وى جهێ خۆ بگريت، و بەرهەمێ خۆ هەبيت، و خەلك وەرگريت، دڤێت وى بەرى وان ئەو شيرەت وەرگرتبيت و كربيتە كار، و ل دەف خۆ پەيداكربيت، بەرى ئەو بكەتە شيرەت، و هەكە بەس گۆتن بيت، بێ كريار، هنگى ئەو بارێ خۆ گران دكەت و گونەها خۆ پتر لێ دكەت، و كەربا خودێ ل خۆ زێدە دكەت، و ئەڤە نەيا كێمە هەكە بزانيت خودێ مەزن دبێژيت: ((يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ))(( كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ)) گەلى خودان باوەران بۆچى هوين دبێژن و ناكەن؟ ئاخفتنا هوين دبێژن و نەكەن، كەربێ ل دەف خودێ پتر لێ دكەت. ديسا خودێ مەزن دبێژيت: ((أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ أَفَلَا تَعْقِلُونَ)) هوين چاوا فەرمانا خەلكى ب خێرێ و باشيێ دكەن، و هوين خۆ ب خۆ خۆ ژبير دكەن، و هوين خۆ ب خۆ كتێبێت بەردەستێ خۆ كو ئنجيل و تەوراتن دخوينن، ما هوين ئاقلەكى بۆ خۆ ناگرن، و مرۆڤ شيرەتا خێرێ بكەت و مرۆڤ نەخودانێ وێ بيت، نەكارێ پێغەمبەرانە.. نەخاسمە پێغەمبەرێ مە (سلاڤێت خودێ لێ بن) چو ئەمرێت باشيێ نەدكرن هەكە وى بەرى هەميان ئەو خێر نەكربا، و بەرێ موسلمانان ژ چو تشتان نەددا پاش هەكە ئەو ژ هەميان ژێ دويرتر نەبا، د ڤێ رامانێدا (سلاڤێت خودێ لێ بن) دبێژيت: (سَمِعْتُمُ الْحَدِيث عَنِّي تَعْرفُهُ قُلُوبُكُمْ وَتَلِينُ لَهُ أَشْعَارُكُمْ وَأَبْشَارُكُمْ وَتَرَوْنَ أَنَّهُ مِنْكُمْ قَريبٌ فَأَنَا أَوْلاكُمْ بِهِ وَسَمِعْتُمُ الْحَدِيث عَنِّي تُنْكِرُهُ قُلُوبُكُمْ وَتَنْفِرُ عَنْهُ أَشْعَارُكُمْ وَأَبْشَارُكُمْ وَتَرَوْنَ أَنَّهُ مِنْكُمْ بَعِيدٌ فَأَنَا أَبَعْدَكُمْ مِنْهُ) و ئەوێ دبێژيت و نەكەت بلا رۆژا قيامەتێ ژ خۆ بترسيت و جهێ دچيتێ و پێغەمبەر (سلاڤێت خودێ لێ بن) دبێژيت: (إن أناسا من أهل الجنە يطلعون على أناس من أهل النار فيقولون بما دخلتم النار فوالله ما دخلنا الجنة إلا بما تعلمنا منكم فيقولون إنا كنا نقول ولا نفعل) هندە كەس خەلكێ بەحەشتێ دێ بەرێ خۆ دەنە جەهنەمێ دێ هندەكان ژ خەلكێ جەهنمێ بينن دێ حێبەتى بن، دێ بێژنێ و پسيارێ ژێ كەن: چ هوين ئينانە جەهنەمێ ئەم ب خودێ كەينە ئەم نەهاتينە بەحەشتێ ب وێ نەبيت يا مە بۆ خۆ ژ هەو زانى و فێربووين، دێ بێژن: مە دگۆت.. بەلێ مە نەدكر، خودێ مە هەميان ژێ بپارێزيت. ديسا نێزيكى ڤێ مەعنايێ خەلكێ جەهنەمێ دێ هندەكان دگەل خۆ د جەهنەمێدا بينن دێ حێبەتى مينن هەروەكى يێت بەحەشتى حێبەتى ماين.. ئەرێ ئەڤە بۆچى دگەل منە؟ ئەڤە بۆچى بووينە جەهنەمى؟! پانێ ڤان د دنيايێدا شيرەتێت باشيێ دكرن و بەرێ خەلكى ژ خرابيێ ددانە پاش و بەرێ وان ددا باشيێ، بەرێ خۆ بدە ڤێ دان و ستاندنێ د ناڤبەر جەهنەميان و ڤان مرۆڤاندا. بوخارى و موسلم ژ زەيدێ كورێ ئوسامەى خودێ ژ هەردووكان رازى بيت دبێژيت: پێغەمبەرى (سلاڤێت خودێ لێ بن) گۆت: (يُؤتَـى بالرَّجُلِ يوْمَ الْقِيامة فَيُلْقَى في النَّار، فَتَنْدلِقُ أَقْتَابُ بَطنِهِ، فيدُورُ بِهَا كَمَا يدُورُ الحِمَارُ في الرَّحا، فَيجْتَمِعُ إِلَيْهِ أَهْلُ النَّار فَيقُولُونَ: يا فُلانُ مَالَكَ ؟ أَلَمْ تَكُن تَأْمُرُ بالمَعْرُوفِ وَتَنْهَى عَنِ المُنْكَر؟ فَێقُولُ: بَلَى، كُنْتُ آمُرُ بالمَعْرُوفِ وَلاَ آتِيه، وَأَنْهَى عَنِ المُنْكَر وَآَتِيهِ) زەلامى رۆژا قيامەتێ دێ ئينن، و دێ هاڤێژنە د ئاگريدا، رويڤيكێت زكێ وى دێ دەركەڤن، و دێ ل دۆر رويڤيكێت خۆ زڤريت، هەروەكى كەر ل دۆر دستارى دزڤريت، خەلكێ جەهنەمێ دێ ل دەف كۆم بن، دێ بێژنێ: تە خێرە بێڤان كەس؟ ما تە ئەمر ب باشيێ نەدكر و نەهى ژ خرابيێ نەدكر؟ دێ بێژيت: بەلێ من ئەمر ب باشيێ دكر و من نەدكر و من نەهى ژ خرابيێ دكر و من دكر. و يێ دبێژيت و نەكەت و كارێ وى بەس ئاخفتن فرۆشى و يێ دوير ژ كارى بلا ژ خودێ بترسيت و ئيزايەكا دژوار رۆژا قيامەتێ، ئەو ئيزا ل دويف كارێ وى. پێغەمبەر (سلاڤێت خودێ لێ بن) دبێژيت: رۆژا ئەز چۆيمە عەسمانان ئەز د بەر هندەكانرا بۆريم لێڤێت وان ب مەقەسێت ئاگرى دهێنە برين، من گۆت: ئەڤە كينە؟ گۆت: ئەڤە گۆتارخوينێت ئوممەتا تەنە ژ خەلكێ دنيايێ ئەوێت ئەمرێ خەلكى ب باشيێ دكرن و خۆ ژبير دكرن ما بۆ خۆ چو عەقلا ناگرن (مررت ليلە أسري بي على قوم تقرض شفاههم بمقاريض من نار قال قلت من هؤلاء قالوا خطباء أمتك من أهل الدنيا ممن كانوا يأمرون الناس بالبر وينسون أنفسهم وهم يتلون الكتاب أفلا يعقلون) و يێ دڤێت نەسيحەت و شيرەتان بكەت دڤێت ئەخلاقێ پێغەمبەران هەبيت هەروەكى سەر ئەزمانێ شوعەيب پێغەمبەر (سلاڤێت خودێ لێ بن) هاتيە دياركرن: ((قَالَ يَا قَوْمِ أَرَأَيْتُمْ إِنْ كُنْتُ عَلَى بَيِّنَةٍ مِنْ رَبِّي وَرَزَقَنِي مِنْهُ رِزْقًا حَسَنًا وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ)) و من ب خۆ د بنيرا نەڤێت ئەز هەوە ژ تشتەكى بدەمە پاش، و ئەز ب خۆ بكەم، ژ چاكخوازيێ پێڤەتر هندى بشێم من چو يێ دى بۆ هەوە نەڤێت ژ ڤى تشتێ ئەز بۆ هەوە دبێژم، و ب سەرهەلبوونا من بەس ب خودێيە، من پشتا خۆ پێ گرێدا، و د هەمى كاروبارێت خۆدا ئەز بەس ل وى دزڤرم.
هاتيە ڤەگێران كۆلە و بەندەيێت خەلكێ بەسرە چۆنە دەف حەسەنێ بەسرى يێ ب شيرەتێت دلنەرمكەر ناڤدار ، ژێ خواست ئەو خوتبەكا رۆژا ئەينى تايبەت بكەت ل سەر خێرا ئازاكرنا بەندەيان، دەمەكێ درێژ پێڤە چۆ و ئيمام حەسن بەسرى ئەو خوتبە نەخواند هەتا كۆلە و بەندە ب خۆ بێ هيڤى بووين، پشتى دەمەكێ درێژ خوتبەكا گەلەكا كارتێكەر خواند و دلێت خەلكى نەرمكر و ئازاكرنا بەندەيان ل بەر وان شرينكر، پشتى بۆ وان خێرا ئازاكرنێ باش ئاشكراكرى د وێ رۆژێدا دەه هزار بەندە هاتنە ئازاكرن، ئەڤێت هاتينە ئازاكرن چۆنە دەف و پسيار ژێ كرن: ئەرێ بۆچى تو هندە گيرۆ بووى هەكە تە زوى ئەڤە كربا نوكە ژ مێژە ئەم ژ ڤى ئاگرى دەرفكەتباين، گۆتە وان: دەمێ هەوە ژ من خواستى ئەز يێ بێ بەندەبووم، من نەدڤيا شيرەتەكێ ل وان بكەم بێژنە من ما وى چ ژێيە ئەو هەر ناكەت، ڤێجا من خۆ گرت هەتا خودێ كەرم دگەل من كرى من ئێك پەيداكرى و ئازاكرى پاشى من شيرەت ل خەلكى كر ئەو ژى ڤى كارى بكەن، من كر لەوا وان ژى كر.. هەكە من نەكربا وان ژى نەدكر، ڤێجا راستى يێ شيرەتان دكەت دڤێت رەوشا وى وەكى رەوشا حەسەن بەسرى بيت (خودێ ژێ رازی بیت) دا شيرەتا وى ژ دلى دەركەڤيت بكەڤيتە د دليدا، و خودێ چێتر دزانيت.
