ب / ترسيانا ژ خودێ سەرێ هەمى خێرێيە، و يێ دورست ژ خودێ ترسيا ئەو سەركەفت، و سەرفراز و روى سپى بوو، و رێكا خێرێ و سەرفەرازيا دنيايێ و ئاخرەتێ گرت، و شرينيا ئيمانێ ب دەستخۆڤە ئينا، و هەكە خەلكى خۆشيا خۆ ژ دنيايێ و متايێ دنيايێ ديت، ئەو خۆشيا خۆ د ركوع و سجود و عيبادەتيدا دبينيت، خۆزيێت وى يێ ژ خودێ دترسيت و ترسا خودێ ل دەف. ئەو ژ خودێ دترسيت يێ دورست بەر ئەمر و نەهێت خودآ و پێغەمبەرێ ويڤە (سلاڤێت خودێ لێ بن) راوەستياى، ئەوە يێ هەرگاڤا گوه ل ئەمرێ خودێ و پێغەمبەرێ وى (سلاڤێت خودێ لێ بن) بوو بێژيت: من بهيست و من گوهداريكر، خودآ مەزن دبێژيت: ((إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا وَأُولَئِكَ هُمُ الْمُفْلِحُونَ)) وەختێ خودان باوەر بۆ حوكمێ خودێ و پێغەمبەرى دئێنە داخوازكرن، دا پێغەمبەر حوكمى د ناڤبەرا واندا بكەت، ئاخفتنا وان بەس ئەڤەيە، دبێژن: مە گولێ بوو، و مە ب جه ئينا، و ئەڤەنە يێت سەرفەراز، يێ ژ خودێ ترس ئەوە يێ هەمى كاروبارێت خۆ دزڤرينيتە خودێ و پشتى فەرمانا خودێ و پێغەمبەرێ وى (سلاڤێت خودێ لێ بن) دزانيت بێ گيرۆكرن ب جه بينيت و ب دلەكێ رازى و بآ دلتەنگى خودێ مەزن دبێژيت: ((فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا)) ب خودايێ تە سويند دخۆم ئەو نابنە خودان باوەر باوەرييێ نائينن هەتا هەر تشتەكێ ئەو هەڤركيێ ل سەر دكەن، تە نەكەنە حەكەم ل سەر، پاشى بەرامبەر بريارا تە چو دلتەنگيێ د دلێ خۆدا نەبينن، پاشى ب دورستى خۆ هلپەسێرنە تە ئانكو: ب دورستى گوهداريا تە بكەن و فەرمان و بريارێت تە ب جه بينن. و مزگينى ژ خودێ بۆ وى يێ دترسيت: ((وَمِنْ دُونِهِمَا جَنَّتَانِ)) و ئەوێ ترسا راوەستيانێ بەرامبەرى خودايێ خۆ د دليدا، دوو بەحەشت يێت بۆ هەين. و بەحەشت بۆ وانە يێ ژ خودێ دترسن. بەرێ خۆ بدێ بەحەشتى د بەحەشتێد چ دبێژن: ((قَالُوا إِنَّا كُنَّا قَبْلُ فِي أَهْلِنَا مُشْفِقِينَ))(( فَمَنَّ اللَّهُ عَلَيْنَا وَوَقَانَا عَذَابَ السَّمُومِ))(( إِنَّا كُنَّا مِنْ قَبْلُ نَدْعُوهُ إِنَّهُ هُوَ الْبَرُّ الرَّحِيمُ)) و بەرێ خۆ ددەنە ئێك و دوو ئانكو: بەحەشتى، و پسيارا كاروبارێت دنيايێ ژ ئێك و دوو دكەن. دێ بێژن: ب راستى ئەم د دنيايێدا ژ ئيزايا خودێ د ترسيايى بووين. ڤێجا خودێ كەرەم دگەل مە كر، و ئەم ژ ئاگرێ لەشسوم پارستين. ب راستى د دنيايێدا، مە ئەو دپەرست و مە دوعا ژ وى دكرن كو ئەو مە ئازا بكەت، و گونەهێت مە ژێ ببەت، ب راستى ئەوە قەنجى بەخش و خودان كەرەم و دلۆڤان. يێ ژ خودێ دترسن مرۆڤێت خودێنە، و مرۆڤێت خودێ رۆژا قيامەتێ خودێ وان ناترسينيت و وان ب خەم نائێخيت. دگەل من گوهێ خۆ بدە ڤێ مزگينيێ خودێ مەزن دبێژيت: ((أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ))(( الَّذِينَ آمَنُوا وَكَانُوا يَتَّقُونَ))(( لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ لَا تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ)) ئاگەهدار بن، مرۆڤێت خودێ، نە ترس بۆ وان هەيە كو خودێ وان ب بەر ئيزايێ بێخيت، و نە ب خەم دكەڤن ل سەر هێلانا دنيايێ و تشتێ ژ وان چۆيى. مرۆڤێت خودێ ئەوێت ژ دل باوەرى ئيناين، و پاشى راست و دورست پارێزكاريا خودێ كرين. د ژيانا دنيايێ و ئاخرەتێدا مزگينى بۆ وان هەيە مزگينيا دنيايێ ئەوە يا ملياكەت ددەنێ دگەل روحكێشانێ، يان ژى خەونا چاكە يا ئەو دبينن، يان ژى يا ب وانڤە دئێتە ديتن، و مزگينيا ئاخرەتێ بەحەشتە، و قەت چو گوهۆرين بۆ پەيمانا خودێ نينە، و ئەڤەيە سەرفەرازيا مەزن. و ديسا دگەل من وەرە گوهێ خۆ بدە ڤێ حەديسا قودسى يا پيرۆز، پاشى هەلويست و راوەستيانا خۆ هەلبژێرە كا تو ژ كيشكانى، ئەبو هورەيرە (خودێ ژێ رازی بیت) ژ پێغەمبەرى (سلاڤێت خودێ لێ بن) ڤەدگێريت ژ وێ يا ژ خودايێ خۆ يێ ب هێز و مەزن ڤەدگوهێزيت، گۆت: (وَعِزَّتِي لا أَجْمَعُ عَلَى عَبْدِي خَوْفَيْنِ وَأَمْنَيْنِ إِذا خَافَنِي فِي الدُّنْێا أَمَّنْتُهُ يوْمَ الْقِيامَە وَإِذا أَمِنَنِي فِي الدُّنْيا أَخَفْتُهُ ێوْمَ الْقِيامَة) ئەز ب هێز و دەستهەلاتداريا خۆ كەمە، ئەز دوو ترس و دوو ئێمنيان ل سەر بەندەيێ خۆ كۆم ناكەم، هەكە ئەو د دنيايێدا ژ من ترسيا ئەز قيامەتێ دێ ئێمنكەم، و هەكە د دنيايێدا ژ من ئێمن بوو، ئەز قيامەتێ دێ وى ترسينم. ڤێجا بەرێ خۆ بدێ ئەز و تو ژ كيشكانين ئەم هيڤى دكەين ئەم ئەو بين يێت قيامەتێ ئێمن دبين، و خودێ چێتر دزانيت.
