ب / دڤێت ئەم بزانين، و مە باوەريەكا موكم و بنەجه هەبيت، خودێ مەزن چو ئەمر و نەهى و فەرمان نەداينە بۆ خێرا مە نەبيت؛ دا باشيەكێ بۆ مە بينيت يان دا خرابيەكێ ژ مە بدەتە پاش، و هۆسا ئەم بەرێ خۆ بدەينە زێرى دەمێ بۆ ژنێ دورستكرى و بۆ زەلامى نە.. هەر نهێنى و حيكمەت و ئەگەر ئەو بوو ئەوا ئەم ژ فەرمانێت وى دزانين، هەمى فەرمانێت وى د خێرا مەدانە يان باشيا بۆ مە دئينن يان خرابيان ژ مە ددەنە پاش، و هندەك دبێژن هندە خانەيێت د ناف زێريدا زيانێ دگەهيننە زەلامى و زوى ئەگەرێت پيراتيێ ل دەف دياردكەت، دبيت ئەڤە وەبيت و دبيت نە، بەلێ مە باوەريا هەى فەرمانێت خودێ د بێ نهێنى و حيكمەت نينن، دبيت هندەكان بزانين و هندەكان نەزانين و هندەك ژى پاشەرۆژێ ديارببن، و خودێ چێتر دزانيت.
