ب / چو جوداهي د ناڤبەرا ناڤێ كچ و كوراندا نينە، هەر ناڤێ چو رامانێت كرێت نەهەلگريت و خودانێ ناڤى شەرمێ ژێ نەكەت دەمێ مەزن دبيت يێ دورستە، و سونەتا پێغەمبەرى (سلاڤێت خودێ لێ بن) د ناڤاندا ئەڤەيە: ناڤ يێ كرێت نەبيت، هەكە يێ كرێت با دگوهۆرى.. وەكى ناڤێ كچەكێ عاسيە بوو كرە جەميلە، و هەكە رامانا ناڤى گونەهبا ژى ديسا دگوهۆرى، ناڤآ عەبدلعوززا، كرە عەبدلرەحمان، و هەكە ناڤ بێ هيڤياتى تێدابا، دگوهۆرى، حەرب كرە، سلم، و سەعب كرە سەهل، و هۆسا و ناڤێ مەدحە و تەزكيە تێدابا دگوهۆرى، وەكى ناڤێ كچەكآ بەرە بوو، كرە جوەيريە و زەينەب، و هەكە ناڤ نەيێ كرێتبا و گونەهـ تێدا نەبا و بێهيڤياتى تێدا نەبا و تەزكيە تێدا نەبا ناڤ وەكى خۆ دهێلا و نەدگوهۆرى، وەكى ناڤێ ماريايێ هەرچەندە نەناڤەكێ عەرەبى بوو بەلێ دگەل هندێ ژى وەكى خۆ هێلا و نەگوهارت، و خودێ چێتر دزانيت.
