ب / دڤێت ئەم بزانين هەمى كارو كريارێت مرۆڤى ب ئنيەتا مرۆڤيڤە د گرێداينە، لەوا پێغەمبەرێ خودێ (سلاڤێت خودێ لێ بن) هەروەكى د ڤەگێرا بوخارى و موسلميدا هاتى، دبێژيت: (انما الاعمال بالنيات وانما لكل امرء ما نوى) ب راستى هەمى كار و كريار ب ئنيەتانە، و ب راستى بۆ هەر مرۆڤەكى كا چ ئنيەت ئينايە دێ ئەو بيت، و جهێ ئنيەتێ ژى دلە. ڤێجا هەكە مرۆڤى د ئنيەتا خۆدا ئانكو د دلێ خۆدا گۆت ئەڤە بۆ خودێيە و ژ دينداريێيە دورستە. پسيار ژ ئيمام ئەحمەدى هاتەكرن گۆت: هەكە ژ دينداريێ بيت دورستە، هەروەكى ئەبو عوبەيدە دەستێ عومەرێ كورێ خەتتابى ماچيكرى و هەكە بۆ دنيايێ بيت نەدورستە، و مهنا كورێ يەحياى دبێژيت: من گەلەك جاران دديت دەستێ ئيمام ئەحمەد و سەرێ وى و رويێ وى دهاتە ماچيكرن و خەلەك نەددا پاش، عەبدوللايێ كورێ ئيمام ئەحمەد دبێژيت: من زانا و فقهزان و حەديسزان و هاشمى و قورەيشى و پشتەڤان ژ خەلكێ مەدينێ ديتن دەستآ ئيمام ئەحمەدى ماچيدكرن و هندەكان سەرێ وى و من كەس نەديتيە ژ زانايان وەكى وى رێز لێ دهاتەگرتن. و ژ زانايێت دورستكرى دەستێ ڤان بەرێزان بێتە ماچيكرن: ئيمام ئەحمەد و هندەك ژ شافعيان، و ئيمام مالك مەكروه دانايە، و ئەڤێت دورست داناين بەلگەيێت وان پترن و دورستترن، بەلێ دگەل هندآ ژى نابيت زانا دەستێ خۆ درێژكەت دا ب دەستآ ويڤە بێتە ماچيكرن، و خودێ چێتر دزانيت.
