ب / دەستپێكێ سلاڤكرن ل دەف پتريا زانايان سونەتە، بەلێ ژ وان سونەتانە يێت ئەم ل سەر گرنگيا وێ هاتينە ئاگەهداركرن، پێغەمبەرێ خۆشتڤى (سلاڤێت خودێ لێ بن) د ڤەكێرا موسلميدا دبێژيت: (وَالَّذي نَفْسِي بِيدِهِ لا تَدْخُلُوا الجَنَّة حَتَّى تُؤمِنُوا، ولا تُؤمِنُوا حَتَّى تَحَابُّوا، أَوَ لا أَدُلُّكُمْ عَلَى شَيءٍ إِذا فَعَلْتُمُوه تَحَابَبْتُمْ ؟ أَفْشُوا السَّلامَ بينَكم) ئەز ب وى كەمە يێ روحا من د دەستيدا، هوين ناچنە بەحەشتێ هەتا هوين باوەريێ نەئينن، و هوين باوەريێ نائينن، هەتا حەژ ئێك و دوو نەكەن، ئەرێ ئەز تشتەكى نيشا هەوە نەدەم هەكە هەوە كر حەژ ئێك و دوو بكەن؟ سلاڤێ د ناڤبەرا خۆدا بەلاڤ و ئاشكراكەن. و د ڤەگێرا ترمزيدا دبێژيت: (يا أيُّهَا النّاسُ أفْشُوا السَّلام، وَأْطعِمُوا الطعَامَ، وَصِلُوا الأْرحامَ، وَصَلُّوا والنَّاس نيامٌ، تَدْخُلوا الجُنَّة بسلام) گەلى خەلكى سلاڤێ بەلاڤ بكەن، و زادى و خوارنێ بدەن، و باشيێ دگەل مرۆڤێت خۆ بكەن، و خەلكێ نڤستى، شەڤنڤێژان بكەن، ب سلامەتى دێ چنە بەحەشتێ. و د ڤەگێرا بوخارى و موسلميدا ژ عەبدوللايێ كورآ عەمرآ كورێ عاسى هاتيە زەلامەكى پسيار ژ پێغەمبەرى (سلاڤێت خودێ لێ بن) كر: (أَيُّ الإِسلامِ خَيْرٌ؟ قال: تُطعِمْ الطعَامَ، وَتَقْرَأُ السَّلامَ عَلى مَنْ عَرَفْتَ وَمَنْ لم تَعْرفْ) كيژ كار د موسلمانەتيێدا بخێرن؟ گۆت: تو خوارنێ بدەى و سلاڤكەيە سەر يێ تو بنياسى و نەنياسى.
بەلێ بەرسڤا سلاڤێ واجبە و هەكە بەرسڤا سلاڤێ نەدان د گونەهكارن، و هندەك دبێژن بەرسڤا سلاڤآ واجبآ كفائيە، و هندەك دبێژن فەرز عەينە و دڤێت هەمى بەرسڤێ بدەن، و بۆچۆنا دورستتر واجبێ كفائيە هەكە هندەكان بەرسڤ دا گونەهـ ل سەر يێت دى رادبيت و هەكە هەمى بەرسڤێ بدەن باشترە هەروەكى ئيمامێ نەوەوى (خودێ ژێ رازی بیت) د ئەزكارێدا دبێژيت، و خودێ چێتر دزانيت.
