ب / بێنشك تشتەكێ باشە و خودێ حەژێ دكەت ـ هەكە نە ژ پەرسيڤى بيت ـ هەروەكى ئبن حەجەرێ عەسقەلانى (خودێ ژێ رازی بیت) دبێژيت و پێغەمبەرێ خودێ (سلاڤێت خودێ لێ بن) د ڤەگێرا بوخاريدا ژ ئەبو هورەيرە (خودێ ژێ رازی بیت) دبێژيت: (إن الله يُحِبُّ الُعطاسَ وَيكْرَهُ التَّثاُؤبَ، فَإذا عَطس أحَدكُم وحمد الله تعالى كانَ حقَّا على كل مسلم سمعهُ أن يقول له يرحمك الله وأما التًّثاوب فإنما هو من الشيطان، فـإذا تًثاءب أحدكم فليردُّهُ ما استطاع، فإن أحدكم إذا تثاءب ضحِكَ منه الشيطان) ب راستى خودێ حەژ بێنشكێ دكەت و باوشك نەڤێت، ڤێجا هەكە ئێك ژ هەوە بێنژى و حەمدا خودێ كر، واجبە ل سەر هەر موسلمانەكێ گولێ بووى بێژيتێ: خودێ رەحمێ ب تە ببەت، بەلێ باوشك ب راستى ئەو ژ شەيتانيە، ڤێجا هەكە باوشكا ئێكى ژ هەوە هات هندى بشێت بلا نەهێليت، ب راستى هەكە باوشكا ئێكى ژ هەوە هات شەيتان پێ دكەتە كەنى. و هەر ژ ئەبو هورەيرە (خودێ ژێ رازی بیت) ل دەف بوخارى هاتيە پێغەمبەر (سلاڤێت خودێ لێ بن) دبێژيت: (إذا عطس أحدكم فليقل: الحمد لله، وليقل له أخوه أو صاحبه: يرحمك الله، فإذا قال له: يرحمك الله فليقل: يهديكم الله ويصلح بالكم) هەكە ئێك ژ هەوە بێنژى بلا بێژيت: الحمد لله، و بلا برايێ وى يان هەڤالێ وى بێژتێ: خودێ رەحمێ ب تە ببەت. و هەكە نەگۆت (الحمد لله) دوعا رەحمێ بۆ ناهێتەكرن. ئەبو موسايێ ئەشعەرى (خودێ ژێ رازی بیت) د ڤەگێرا موسلمی دا دبێژيت پێغەمبەرى (سلاڤێت خودێ لێ بن) گۆت: (إذا عَطس أحدُكُم فحمد الله فشمتوه، فإنْ لم يحمد الله فلا تُشمتوه) هەكە ئێك ژ هەوە بێنژى و حەمدا خودێ كر (ئانكو گۆت: الحمد لله) بێژنێ: خودێ رەحمێ ب تە ببەت، و هەكە حەمدا خودێ نەكر، دوعا رەحمێ بۆ نەكەن. و ل دەف بوخارى و موسلمى ژ ئەنەسى (خودێ ژێ رازی بیت) هاتيە دبێژيت: دوو زەلام ل دەف پێغەمبەرێ خودێ (سلاڤێت خودێ لێ بن) بێنژين، دوعا دلۆڤانيێ بۆ ئێكێ كر (گۆتێ: خودێ دلۆڤانيێ ب تە ببەت) بۆ يێ دى نە، يێ نەگۆتيێ: خودێ دلۆڤانيێ ب تە ببەت، گۆت: بێڤان بێنژى تە گۆتێ: خودێ دلۆڤانيێ ب تە ببەت و ئەز بێنژيم تە نەگۆتە من خودێ دلۆڤانيێ ب تە ببەت؟ گۆت: ئەڤى حەمدا خودێ كر و تە حەمدا خودێ نەكر. و زانا ل سەر حوكمێ دوعاكرنێ بۆ بێنشكدەرى ئەوێ پشتى بێنشكێ دبێژيت (الحمد لله) نەلێكن.
جمهورێ زاهريان و ئبن موزەين ژ مالكيان و ئبن قەيم دبينن دوعاكرن گۆتنا (يرحمك الله) فەرز عەينە ل سەر هەركەسەكێ حەمدا وى پشتى بێنشكێ گولێ ببيت و بەلگە ژى حەديسا بۆريە. و ئبن عەرەبی ژ مالكيان و حەنەفى و جمهورێ حەنبەليان دبێژن: بەرسڤا فەرزا كفايەيە هەكە هندەكان جابا وى دا و گۆتێ (يرحمك الله) گونەهـ ل سەر يێت دى رادبيت. و عەبدلوەهاب و هندەكێت دى ژ مالكيان و شافعی دبێژين: موستەحەبە و بۆچۆنا ب هێزتر يا دووێيە هەروەكى ئبن حەجەرێ عەسقەلانى ڤێ د فەتحێدا دبێژيت بەرسڤدان واجبە بەلێ واجبێ كفائيە هەكە هندەكان دوعا بۆ كرن و گۆتنێ (يرحمك الله) گونەهـ ل سەر يێت دى رادبيت، و دورستە هەمى دوعا ب كوردى بێتەكرن و ب كوردى بەرسڤ بێتەدان، و خودێ چێتر دزانيت.
