ب / دوو رەنگێت شيلان و خوارنان مە يێت هەين بۆ دەواتێ و بۆ ئەگەرەكێ دى ژبلى دەواتێ وەكى خوارنا عەقيقێ يان خوارنا چێكرنا خانيێ نوى يان سلامەتبوونا ژنێ يان رزگاربوون ژ نەخۆشيەكێ و وەكى ڤان، و هەرئێكێ حوكمێ خۆ يێ جودا يآ هەى.
ئێك: هەكە خوارنا دەواتێ بيت و داخوازنامە يا دەواتێ بيت بەرسڤدانا ڤێ داخوازنامێ ل دەف پتريا زانا واجبە و فەرزە، و هندەك دبێژن فەرز كفايەيە، بەلێ هەكە داخوازنامە يا گشتى بيت، بەلێ راستە بەرسڤدان فەرز كفايەيە بەلێ هەكە ئێك ئێك هاتبنە داخوازكرن هنگى واجبە هەر ئێك ل جهێ خۆ بەرسڤێ بدەت، و ل دەف هندە حەنبەليان و شافعيان و لەخمى ژ مالكيان موستەحەبە و نەواجبە، و بۆچۆنا ئێكێ ب هێزترە چونكى پێغەمبەر (سلاڤێت خودێ لێ بن) د ڤەگێرا بوخارى و موسلميدا دبێژيت (شَرُّ الطعَام طعَامُ الْوليمة، يُمْنَعُها مَنْ يأْتِيهَا، ويُدْعَى إِلَيْهَا مَنْ يأْبَاهَا، ومَنْ لَمْ يُجِبِ الدَّعْوە فَقَدْ عَصَى اللَّه ورَسُولُهُ) بێخێرترين خوارن، خوارنا مەعزوماتا دەواتێيە ناهێلن يێت دهێنێ بێنێ؛ و يێت نەهێنێ دهێنە خواستن، و يێ نەهێتە داخوازيێ (مەخسەد پێ يا دەواتێ و بێ عوزر) وى نەگوهداريا خودێ و پێغەمبەرێ وى كر.
دوو: هەكە خوارن و شيلان نەيا دەواتێ بيت.. بەرسڤدان ل دەف جمهورێ زانايان ژ مالكيان و حەنەفيان و شافعيان و حەنبەليان موستەحەبە و نەواجبە، و خودێ چێتر دزانيت.
