ب / ئيسلام دينێ دلۆڤانيێيە، و دلۆڤانيە بۆ هەمى مرۆڤان، موسلمان و نە موسلمانان. بەلێ.. دورستە سەرەدانا نەساخێ نەيێ موسلمان بێتەكرن، نەخاسمە هەكە ببيتە ئەگەرێ هندێ وێنەكێ جوان ژ ئيسلامێ وەرگرن، بەلگە پێغەمبەرى (سلاڤێت خودێ لێ بن) سەردانا جويەكێ نەساخ دا. بوخارى ژ ئەنەسى (خودێ ژێ رازی بیت) ڤەدگێريت دبێژيت: (كانَ غُلامٌ يهُودِيٌّ يخْدُم النبي صَلّى اللهُ عَلَيْهِ وسَلَّم، فمرض فأَتَاهُ النَّبِيُّ صَلّى اللهُ عَلَيْهِ وسَلَّم يعُودهُ، فَقَعَدَ عِنْدَ رَأْسِهِ فقالَ لَهُ: « أَسْلِمْ » فنَظرَ إِلى أَبِيهِ وهُو عِنْدَهُ؟ فقال: أَطعْ أَبا الْقاسِمِ، فَأَسْلَم، فَخَرَجَ النَّبِيُّ صَلّى اللهُ عَلَيْهِ وسَلَّم، وَهُوَ يقولُ: « الحَمْدُ للَّهِ الَّذي أَنْقذهُ مِنَ النَّار) لاوەكێ جوهى ل دەف پێغەمبەرى بوو (سلاڤێت خودێ لێ بن) خزمەتا وى دكر، نەساخ بوو پێغەمبەر (سلاڤێت خودێ لێ بن) هات سەرا دا، ل دەف سەرێ وى روينشتە خوارێ و گۆتێ: موسلمان ببە، بەرێ خۆ دا بابێ خۆ ل دەف وى بوو؟ گۆتێ: گوهێ خۆ بدە بابێ قاسمى (ئانكو پێغەمبەرى) ئينا موسلمان بوو، پێغەمبەر (سلاڤێت خودێ لێ بن) دەركەفت و وى دگۆت: شوكر بۆ خودايێ ئەو ژ ئاگرى رزگاركرى.
