ب : دڤێت دایكا ئیتیما بزانێت مه‌زترین خێر ئه‌و بۆ خۆ دكه‌ت پشتی زه‌لامێ وێ چویه به‌ر دلۆڤانيا خودێ و ئێتيم ماینه د ستۆيێ وێدا ئه‌و خه‌مێ ژ وان بخۆت و بمينيته سه‌ر ئێتيمێت خۆ و وه‌كى خودێ ڤياي وان په‌روه‌رده‌بكه‌ت هه‌تا مه‌زن دبن و ته‌قوا خودێ د راستا خۆ و ئێتيمێت خۆدا بكه‌ت، به‌رێ خۆ بده قه‌در و بهایێ دایكا ئێتیمی یا ل سه‌ر ئێتیمێت خۆ، پێغه‌مبه‌ر سلاڤێت خودێ ل سه‌ربن دبێژيت: (أنا أول من يفتح له باب الجنه إلا أنه تأتي امرأه تبادرني فأقول لها ما لك من أنت فتقول أنا امرأه قعدت على أيتام لي) ئه‌ز يێ ئێكێمه ده‌رگه‌هێ به‌حه‌شتێ بۆ ڤه‌دبيت.. ژنه‌ك كار دكه‌ت دگه‌ل من بێت يان دويف منڕا بهێت، ئه‌ز دێ بێژمێ ته خێره تو كى؟ دێ بێژيت: ئه‌ز ژنه‌كم ل سه‌ر ئێتيمێت خۆ روينشتيم. و خودانێ فه‌تحێ خودێ ژێ رازی بیت دبێژيت: رێكا وێ خرابى تێدا نينه. ديسا پێغه‌مبه‌ر سلاڤێت خودێ ل سه‌ربن د حه‌ديسه‌كا ديدا ل سه‌ر بهايێ وێ دبێژيت: (ثلاثة في ظل العرش يوم القيامه يوم لا ظل إلا ظله واصل الرحم يزيد الله في رزقه ويمد في أجله وامرأه مات زوجها وترك عليها ايتاما صغارا فقالت لا أتزوج أقيم على أيتامي حتى يموتوا أو يغنيهم الله وعبد صنع طعاما فأضاف ضيفه وأحسن نفقته فدعا إليه اليتيم والمسكين فاطعمهم لوجه الله عز وجل) سێ مرۆڤان خودێ دێ ئێخيته بن سيبه‌را خۆڤه، رۆژا چو سيبه‌ر نه‌بن سيبه‌را وى نه‌بيت، يێ دگه‌ل مرۆڤێت خۆ باش، خودێ دێ رزقێ وى به‌رفره‌هكه‌ت و ژيێ وى درێژكه‌ت، و ژنا زه‌لامێ وێ مرى و ئێتيمێت بچويك بۆ هێلاين بێژيت: ئه‌ز شوى ناكه‌م و دێ ل سه‌ر ئێتيمێت خۆ بم هه‌تا دمرن يان خودێ وان مه‌زن دكه‌ت و بێ منه‌ت دبن، و مرۆڤه‌ك خوارنه‌كێ چێكه‌ت و به‌رفره‌ه و مه‌زاختنه‌كا باش لێ بكه‌ت و ئێتيم و هه‌ژاران داخوازكه‌تێ و خوارنێ بۆ رازيبوونا خودێ بده‌ته وان، و خودێ چێتر دزانيت.
ئه‌ڤه خێره‌كا زێده یا مه‌زنه بۆ خۆ دكه‌ت، و بۆ زه‌لامێ مه‌زنترین خێر بكه‌ت زاروكێت وی پوروه‌رده‌كا جوان ب ده‌ته به‌ر وان، و خه‌مێ ژ دینداریا وان بخوت و خه‌ما وێ نه به‌س ببیته جل و به‌رگ و خوارن و ڤه‌خوارن و پاشه‌رۆژا دنیایێ ب تنێ، و خه‌مێ ژ گۆر و قه‌برێ وان و ئاخره‌تا وان نه خوت، ئه‌و نه ئه‌مانه‌ت پارازتنه، ئه‌و دایكا به‌س خه‌مێ ژ پاشه‌رۆژا دنایێ تنێ دخۆت ئه‌و خه‌لاتێ ژ پێغه‌مبه‌ری سلاڤێت خودێ ل سه‌ربن هاتینه زانین ژ ڤان دایكێت ئێتیمان ناگریت، ژ وان دگریت یێت خه‌مه‌كا ته‌ڤگر (عام) ژ وان بخۆت كا چاوا خه‌ما دنیا وان دخۆت وه‌سا و پتر خه‌ما ئاخره‌ت و دینداریا وان دخۆت و هوسا ئه‌و زاروك دبنه صه‌ده‌قا جاریه و ب رێژ بۆ بابێ خۆ و هوسا ئه‌ڤه باشترین خێره ژن بۆ روحا زه‌لامێ خۆ دكه‌ت.
و مالێ ئێتیمان بلا ل وان بهێته مه‌زاختن و ده‌ستكاریێ تێدا نه‌كت هه‌كه د خێر و به‌رژه‌وه‌ندا واندا نه‌بیت و دڤێ رامانێدا خودایێ مه‌زن دبێژیت: (وَلاَ تَقْرَبُواْ مَالَ الْيَتِيمِ إِلاَّ بِالَّتِي هِىَ أَحْسَنُ) ئانكو نێزیكی مالێ ئێتیمی نه‌بن ئه‌ڤه‌ر بۆ خێرا وی نه‌بیت بۆ بپارێزن و بۆ شول پی بكه‌ن، به‌لێ هه‌كه وێ مالێ خۆ یێ تایبه‌ت هه‌بیت و دناڤ مالێ واندا بیت دورسته ئه‌و ژ مالێ خۆ خێر و خێراتان پێ بكه‌ت و خودێ چێتر دزانیت.
