ب : ل دویف گۆتنا ب هێزتر و دورستر ژ بوچونا زانایان دورسته سلاڤ ل كومه‌كا مرۆڤان هه‌می نه‌موسلمان بن و موسلمان د ناڤدا نه‌بن بێته‌كرن، و ئه‌ڤ بوچونه ژ چه‌ند صه‌حابان هاتیه ڤه‌گێران ژ وان: ئبن مه‌سعود و ئبن عه‌باس وئه‌بو ئومامه و ئبن موحیریز و فوضالێ كورێ عوبه‌یدی و ئه‌بو ده‌رداء خودێ ژ هه‌میان رازی بیت، و ژ تابعینان ژ سوفیانێ كورێ عویینه و ئیمامێ شه‌عبی و حه‌سه‌نێ به‌صری و عومه‌رێ كورێ عه‌بدولعه‌زیزی و ئه‌وزاعی هه‌تا ئه‌وزاعی خودێ ژێ رازی بیت دبیژیت :( ان سلمت فقد سلم الصالحون وان تركت فقد ترك الصالحون) هه‌كه توسلاڤكه‌ی بێ گومان چاكان یا سلاڤكری و هه‌كه تو بهێلی بێ گومان چاكان یا هێلای، و ئه‌ڤه بۆچونه‌كا پشكه‌كا شافعیان و مالكیانه ژی به‌لێ ل ده‌ف شافعیان دێ بێژیت (السلام علیكم و به‌س و نا بێژی ورحمة الله وبركاته) و ئه‌ڤه هه‌لبژارتنا موحه‌مه‌د ره‌شید رضایه د ته‌فسیرا مه‌ناردا و دیسا یا شه‌نقیطییه د ته‌فسیرا ویدا.
و هه‌كه كوما مروڤان تێكه‌ل بن نه جهێ جودابونێیه دناڤبه‌را زانایاندا دورسته سلاڤ ل وان بێته كرن؛ چونكی دڤه‌گێرا بوخاری و موسلمیدا ژ ئوسامه‌یێ كورێ زه‌یدی هاتیه دبێژیت: (مر رسول الله صلی الله علیه وسلم على مجلس فيه أخلاط من المسلمين والمشركين عبدة الأوثان واليهود فسلم عليهم النبي صلى الله عليه وسلم) پێغه‌مبه‌ر سلاڤێت خودێ ل سه‌ربن ل به‌ر جڤاته‌كا تێكه‌ل ژ موسلمانان و بوتپه‌رێسان و جویان بوری سلاڤكره وان. و ئه‌ڤه به‌لگیه ئه‌ڤه نه جهێ جودابونێیه دناڤبه‌را زانایاندا خودێ ژ وان رازی بیت و خودێ چێتر دزانیت.
