ب : ئه‌ڤه ئاخفتنه‌كا نه دجهێ خودایه و ئه‌ڤ بوچونه یا هه‌ی به‌لێ جهێ جودابونێیه دناڤبه‌را زانایاندا و ئه‌ڤه بوچوناكا نه‌په‌سندكریه دناڤبه‌را هه‌می زانایاندا به‌لكی ل دویف گۆتنا ب هێزتر و دورستر ژ بوچونا زانایان دورسته سلاڤ نه‌موسلمانی جوهی بیت یان مه‌سیحی بیت یان هه‌ر دینه‌كێ هه‌بیت بێته‌كرن، و ئه‌ڤ بوچونه ژ چه‌ند صه‌حابان هاتیه ڤه‌گێران ژ وان: ئبن مه‌سعود و ئبن عه‌باس وئه‌بو ئومامه و ئبن موحیریز و فوضالێ كورێ عوبه‌یدی و ئه‌بو ده‌رداء خودێ ژ هه‌میان رازی بیت، و ژ تابعینان ژ سوفیانێ كورێ عویینه و ئیمامێ شه‌عبی و حه‌سه‌نێ به‌صری و عومه‌رێ كورێ عه‌بدولعه‌زیزی و ئه‌وزاعی هه‌تا ئه‌وزاعی خودێ ژێ رازی بیت دبیژیت :( ان سلمت فقد سلم الصالحون وان تركت فقد ترك الصالحون) هه‌كه توسلاڤكه‌ی بێ گومان چاكان یا سلاڤكری و هه‌كه تو بهێلی بێ گومان چاكان یا هێلای، و ئه‌ڤه بۆچونه‌كا پشكه‌كا شافعیان و مالكیانه ژی به‌لێ ل ده‌ف شافعیان دێ بێژیت (السلام علیكم و به‌س و نا بێژی ورحمة الله وبركاته) و ئه‌ڤه هه‌لبژارتنا موحه‌مه‌د ره‌شید رضایه د ته‌فسیرا مه‌ناردا و دیسا یا شه‌نقیطییه د ته‌فسیرا ویدا.
به‌لێ به‌رۆڤاژی ددینێ واندا ئه‌ڤه یا هه‌ی نه ددینێ مه‌دا و هه‌كه د دینێ مه‌دا هه‌بیت ژی نه جهێ ئێكلێكێیه (ئیتفاقێ)یه به‌لێ رۆن ئاشكرا د دینێ واندا د ئنجیلێدا و دناما دوویێدا یا یوحه‌نا پێغه‌مبه‌ردا هاتیه: (9 كُلُّ مَنْ تَعَدَّى وَلَمْ يَثْبُتْ فِي تَعْلِيمِ الْمَسِيحِ فَلَيْسَ لَهُ اللهُ. وَمَنْ يَثْبُتْ فِي تَعْلِيمِ الْمَسِيحِ فَهذَا لَهُ الآبُ وَالابْنُ جَمِيعًا.10 إِنْ كَانَ أَحَدٌ يَأْتِيكُمْ، وَلاَ يَجِيءُ بِهذَا التَّعْلِيمِ، فَلاَ تَقْبَلُوهُ فِي الْبَيْتِ،وَلاَ تَقُولُوا لَهُ سَلاَمٌ.11 لأَنَّ مَنْ يُسَلِّمُ عَلَيْهِ يَشْتَرِكُ فِي أَعْمَالِهِ الشِّرِّيرَةِ.) . و ئه‌ڤه یا ئاشكرایه دبێژیت هه‌ركه‌سێ زێده‌گاڤیێ بكه‌ت و ل دویف رێنمایێت عیسا پێغه‌مبه‌ر نه‌چیت خودێ نه‌بو وییه، و هه‌ركه‌سێ ل دویف رێنماییت وی بچیت ئه‌ڤه كور باب پێكڤه بو وینه، و هه‌كه ئێك هاته ده‌ف هه‌وه و پێگری ڤان رێنمایان نه‌بیت د مالێدا نه وه‌رگرن و وسلاڤ نه‌كه‌نێ؛ چونكی یێ سلاڤێ بكه‌ته وی پشكداریا كارێ وێ یێ خراب كر به‌رێ خۆ بدێ كا دینێ وان چ دبێژیت و دینێ مه چ دبێژیت و خودێ چێتر دزانیت.
