ب : زه‌لام دڤێت بزانیت هه‌ڤژینا وی و زاروكێت وی ئه‌مانه‌تن ستویێ ویدا، و دڤێت بزانیت ئه‌و ژ وان به‌رپسیاره، و دڤێت دلوڤانیێ ب وان ببه‌ت و لایێ ره‌ق ژ سه‌رده‌ریا خۆ نیشا وان نه‌ده‌ت، نه خاسمه ژن و هه‌ڤژینا وی، و پێدڤیه بزانیت پێغه‌یمبه‌ری سلاڤێت خودێ ل سه‌ربن گه‌له‌ك شیره‌تیت ل زه‌لامان كرین ل گه‌ل ژنان و هه‌ڤژینێت خۆ یێت باشبن، و پێغه‌مبه‌ری سلاڤێت خودێ ئه‌و ئێخسیر و دیل (ئه‌سیر) ل ده‌ف وان داینه نیاسن، د خوتبا خاترخوازتنێدا دڤه‌گێرا ترمزیدا دبێژیت: (أَلا واسْتَوْصوا بِالنِّساءِ خَيْراً، فَإِنَّمَا هُنَّ عَوانٍ عَنْدَكُمْ لَيْس تمْلكُونَ مِنْهُنَّ شَيْئاً غيْرَ ذلِكَ) هشيار بن هه‌وه ئه‌مانه‌ت ژن و ئه‌مر و وه‌سيه‌تا من د راستا ژناندا وه‌رگرن و خێر و شيره‌تان و باشيێ ژ خۆ بۆ ژنان بخوازن (ئانكو نه‌فسا خۆ ل سه‌ر هندێ راكه‌ن باشييێ و خێرێ بگه‌هيننه ژنێ) ب راستى ئه‌و ئێخسيرن ده‌ف هه‌وه، و هه‌وه ژ بلى ڤێ كو خێرخواز و باشيخواز بن بۆ ژنا چێ دى (ژ قوتان و پشتدانێ) ل سه‌ر وان نينه، و خودایێ مه‌زن فه‌رماندكه‌ت: (وَعَاشِرُوهُنَّ بِالْمَعْرُوفِ) بباشی و قه‌نجی سه‌ره‌ده‌ریێ ل گه‌ل بكه‌ن، و چاڤگرتی و بێده‌نگ و بێ سلاڤ بچیته مالاخۆڤه به‌ره‌ڤاژی فه‌رمانێت خودێ و پیغه‌مبه‌رێ وینه، و ئه‌م وی زه‌لامی شیره‌تكه‌ین یێ وه‌سا نه‌بیت و ئه‌ڤه ژ زه‌لامینیێ و جامێریێ نا هێته هه‌ژمارتن، و سونه‌ته ده‌مێ ئه‌م دچینه مالا خۆڤه ب گرنژین بچینه ژورڤه و سلاڤكه‌ینه مالا خۆ پێغه‌مبه‌ر سلاڤێت خودێ ل سه‌ربن دڤه‌گێرا حاكمیدا دبێژیت سێ مرۆڤ ل بن چاڤدێری و پارازتنا خودێ دانه ئێك ژوان: (ثلاثة كلهم ضامن على الله ...... ورجل دخل بيته بسلام ) و یێ سێیێ زه‌لام ب سلاڤڤه ب چیته د مالا خۆڤه و دڤه‌گێرا ترمزیدا ئه‌نه‌س خودێ ژێ رازی بیت دبێژیت پێغه‌مبه‌ری سلاڤێت خودێ ل سه‌ربن گۆته من : (يا بُنَيَّ إذا دَخَلْتَ على أَهْلِكَ فَسَلِّمْ يكون بَرَكَةً عَلَيْكَ وَعَلَى أَهْلِ بَيْتِكَ) كورێ من ئه‌گه‌ر تۆ چویه مالا خۆڤه سلاڤكه مالا خۆ ئه‌ڤه دێ بێته به‌ره‌كه‌ت بۆ ته و خه‌لكێ مالا ته، و ئیمامێ نه‌وه‌ی دبێژیت ده‌مێ دچیته مالا خۆڤه دڤێت سلاڤ بكه‌ت مرۆڤ ل مال بن یان مال نه‌بن چونكی خودایێ مه‌زن دبێژیت: (فَإِذَا دَخَلْتُم بُيُوتًا فَسَلِّمُوا عَلَىٰ أَنفُسِكُمْ تَحِيَّةً مِّنْ عِندِ اللَّهِ مُبَارَكَةً طَيِّبَةً) هه‌كه مرۆڤ دیتن دێ بێژیت (السلام علیكم) و هه‌كه نه دیتن دێ بێژیت (السلام علینا وعلی عباده الصالحین) به‌رێ خۆ بدێ د هه‌می ره‌وشاندا دڤێت سلاڤ بكه‌ت، ڤێجا ئه‌م دبێژین یێ هوسا نه‌بیت هه‌ره‌وكی پێغه‌مبه‌ری سلاڤێت خودێ ل سه‌ربن گۆتی وی خۆ ژ خێر و به‌ره‌كه‌ته‌كا مه‌زن بێ باركر و خودێ چێتر دزانیت.
