ب : ده‌ستپێكێ دوعا ژ خودێ دكه‌ين مه بپارێزيت و چ رويدانا ب ده‌ستێ مه نه‌ئينيت و ئه‌م چ گيانه‌وه‌ران نه كوژين هه‌تا مرۆڤان و خودێ مه دويرى به‌لا بێخيت و كاد ێ كه‌فاره‌تا كوژتنا ب خه‌له‌تيزڤه ده‌ت يان نه هه‌كه كۆژتي يێ نه موسلمان بيبت ئێزيدي بيت يان فه‌له‌بيت يان هه‌ر دينه‌كێ هه‌بيت زانا ل سه‌ر كه‌فاره‌ت دانا وى د ژێك جودانه ل ده‌ف مالكيان و حه‌سن به‌صري كه‌فاره‌تێ كو كه‌رده‌ن ئازاكرنا به‌نده‌يه‌كێيه هه‌كه ب ده‌ست نه‌كه‌فت رۆژيگرتنا دوو هه‌يڤانه ل سه‌رێك بێ ڤه‌قه‌تيان و به‌لگه‌يێ وان تێگه‌ها ڤێ ئايه‌تێيه (ومن قتل مؤمنا خطأ فتحرير رقبة مؤمنة) ئانكو كه‌فاره‌ت ل سه‌ر وى نينه يێ نه موسلماني ب خه‌له‌تيڤه ب كوژيت به‌لێ بوچونا جمهورێ پتريا زانايان هه‌روه‌كي ئبن قودامه خودێ ژێ رازى د موغنييدا دبێژيت ل گه‌ل هندێنه دێ هه‌ر كه‌فاره‌تێ ده‌ت چ كوژتي موسلمان بيت يان نه موسلمان بيت چونكي ئايه‌ت ڤێ دبێژيت : (وإن كان من قوم بينكم وبينهم ميثاق فدية مسلمة إلى أهله وتحرير رقبة مؤمنة) و ئه‌ڤ بوچونه ئيمامێ طه‌به‌ري و ئبن كه‌ثير و قورطوبي د ته‌فسيڕيت خودا هه‌لبژارتيه و ئه‌ڤ بوچونه يا دورسته چونكي حيكمه‌ت ژ كه‌فاره‌تێ ئيحتياتي وه‌رگريت و زێده ئاگه‌هـ ژ خۆ هه‌بيت و مه‌به‌ست پێ پاككرن و پاقژكرنا بكوژێ خه‌لتكاره.
