ب: دا ده‌ست و دلێت زه‌لامی بگرن ئه‌و ل ژنا خۆ و مالا خۆ ب مه‌زێخیت، و قه‌لسیێ نه‌كه‌ت، خۆدێ ئه‌و مه‌زخاندنا ل سه‌ر وی ئه‌رك، بۆ یێ كریه خێر و سه‌ده‌قه، پێغه‌مبه‌رێ خوشتڤی سلاڤێت خودێ ل سه‌ربن دڤه‌گێرا موسلمیدا دبێژیت: (أَفْضَلُ دِينَارٍ يُنْفِقُهُ الرَّجُلُ دِينَارٌ يُنْفِقُهُ عَلَى عِيالِهِ) خێرترین دینارێ مرۆڤ دمه‌زێخیت، ئه‌و دینارێ ل سه‌ر بچویکێت خۆ دمه‌زێخیت، و دڤه‌گێره‌كا دیدا یا موسلمیدا دبێژیت: (دِينَارٌ أَنْفَقْتَهُ في سبيلِ اللَّه، وَدِينَارٌ أَنْفَقتَهُ في رقَبَةٍ، ودِينَارٌ تصدَّقْتَ بِهِ عَلَى مِسْكِينٍ، وَدِينَارٌ أَنْفقْتَهُ علَى أَهْلِكَ، أَعْظمُهَا أَجْراً الَّذي أَنْفَقْتَهُ علَى أَهْلِكَ) دیناره‌ک ته د ریکا خودێدا مه‌زخاندبیت، و دیناره‌ک ته د ئازاکرنا کۆله‌یه‌کێدا مه‌زخاندبیت، و دیناره‌ک ته کربیته سه‌ده‌قه بۆ به‌لنگازه‌کێ، و دیناره‌ک ته ل سه‌ر مالا خۆ مه‌زخاندبیت، دینارا ژ ھه‌میان خێرا وی مه‌زنتر ئه‌وه یا ته ل سه‌ر مالا خۆ مه‌زخاندی، دیسا پێغه‌مبه‌رێ خوشتڤی سلاڤێت سلاڤیت خودێ ل سه‌ربن دڤه‌گێرا طه‌به‌رانیدا د ئه‌وصه‌تیدا دبێژیت: (أول ما يوضع في ميزان العبد نفقته على أهله) تشتێ به‌ری هه‌میان حساب ل گه‌ل زه‌لامی دهیته‌كرن مه‌زاخندنا وییه ل سه‌ر مالا وی.
