ب: زانا ل سه‌ر تخویب و بازنێ مرۆڤ و خزم و كه‌س و كاران یێت ئه‌رك ئه‌م مرۆڤانيیا وان بپارێزین نه‌ئێكن، ئه‌وێت ل سه‌ر مه واجب ئه‌م د گه‌ل باش بین، و باشیكرنێ د گه‌ل وان نه‌هێلین.
ئێك: هنده‌ك دبێژن ئه‌و ئه‌ون یێت ببنه میراتگرێت مرۆڤی و ل دویڤ ڤێ بۆچۆنێ ئه‌وێت میراتگری د ناڤبه‌را واندا نه‌بیت نه ژ وانه یێت واجب ئه‌م باشيیێ بگه‌هینینێ.
دو: هنده‌كێت دی دبێژن ئه‌و ئه‌ون یێت مه‌حره‌ميیه‌ت د ناڤبه‌را واندا هه‌ی، هه‌ر كه‌سێ بۆ مرۆڤی مه‌حره‌م چ ژن بیت چ زه‌لام، ئه‌ڤه ژ وان مرۆڤانه یێت واجب ئه‌م د گه‌ل باش بین.
سێ: هنده‌كێت دی دبێژن: ئه‌و كه‌س و كارێت مرۆڤینه، یێت ب رێكا دایبابان دگه‌هنه مرۆڤی، چ ببنه میراتگر یان نه، و ئه‌ڤ بۆچۆنا سێیێ ب هێزتره و ل دویڤ ڤێ بۆچۆنێ هه‌ركه‌سێ بگه‌هیته ته ب رێكا دایكێ یان بابێ ژ وان مرۆڤان دهێنه هه‌ژمارتن یێت ئه‌رك و واجب تو پشتا خۆ نه‌ده‌یه وان، و باشيیێ د گه‌ل بكه‌ی و هه‌كه ته د ناڤبه‌را خۆ و واندا قه‌تاند، ئه‌ڤه ته خۆ ژ دلۆڤانيیا خودێ قه‌تاند و بێ باركر، و خودێ نه‌كه‌ت ته به‌حه‌شت ژ خۆ كر؛ چونكی پێغه‌مبه‌ر (سلاڤێت خودێ ل سه‌ربن) د ڤه‌گێرا موسلمیدا دبێژیت: (لا یدخل الجنة قاطع رحم) یێ مرۆڤانيیێ ببریت ئه‌و ناچیته به‌حه‌شتێ، (قاطع رحم) یێ مرۆڤانيیێ نه‌پارێزیت و مافێ وی نه‌ده‌تێ نه به‌س ئه‌و ناچیته به‌حشتێ، به‌لكی د ڤه‌گێره‌كا دیدا هاتیيه بێهنا به‌حشتێ ژی ناچیتێ: (وإياكم وعقوق الوالدين فإن ريح الجنة يوجد من مسيرة ألف عام والله لا يجدها عاق ولا قاطع رحم) هشیاربن دلێ دایبابان نه‌هێلن، ب راستی بێهنا به‌حه‌شتێ قۆناغا هزار سالان دچیت، دلهێلێ دایبابان و نه‌پارێزڤانێ مرۆڤانيیێ بێهنا وێ نابینن، به‌لكی یێ مرۆڤانیيێ نه‌پارێزیت (قاطع رحم) بۆ غه‌یری خۆ ژی ده‌رده، دڤێت د دیوانێت خێریدا نه‌بیت، پێغه‌مبه‌ر (سلاڤێت خودێ ل سه‌ربن) دبێژیت: (ألا إن الرحمة لا تنزل على قوم فيهم قاطع رحم) بزانن دلۆڤانی ل سه‌ر وێ دیوانا (قاطع رحم) تێدا ناهێته خوار، هه‌ر ژ به‌ر هندێ ئبن مه‌سعود (خودێ ژێ رازی بیت) نه‌دڤيیا یێ مرۆڤانیيێ نه‌پارێزیت د گه‌ل وان روینیته خوارێ، و پشتی نڤێژا سپێدێ دگۆت: (أَنْشُدُ اللَّهَ قَاطَعَ رَحِمٍ لَمَا قام عَنَّا فَإِنَّا نُرِيدُ أَنْ نَدْعُوَ رَبَّنَا وَأَبْوَاببُ السَّمَاءِ مُرْتَجَةٌ دُونَ قَاطَعِ رَحِمٍ) یێ مرۆڤانيیێ نه‌پارێزیت ئه‌ز ب خودێ دده‌مه سويندێ، هه‌كه ئه‌و ژ ناڤ مه نه‌رابیت، مه دڤێت دوعا ژ خودایێ خۆ بكه‌ین، و ده‌رگه‌هێت عه‌سمانی ل به‌ر وی د گرتینه، و دیسا هه‌ر ژ به‌ر هندێ عومه‌رێ كورێ عه‌بدولعه‌زیزی (خودێ ژێ رازی بیت) ئه‌ڤ شیره‌ته دكر (لا تؤاخين قاطع رحم) هه‌ڤالینيیا (قاطع رحم) مرۆڤانی نه‌پارێزی نه‌كه، و نه‌پارازتنا مرۆڤانيیێ دبیته ئه‌گه‌رێ هندێ كریارێت مرۆڤی قه‌بویل نه‌بن، د ڤه‌گێرا ئیمام ئه‌حمه‌دیدا پێغه‌مبه‌ر (سلاڤێت خودێ ل سه‌ربن) دبێژیت: (إن أعمال بني آدم تعرض كل عشية خميس ليلة جمعة فلا يقبل عمل قاطع رحم) کار و کریارێت مرۆڤان رۆژا پێنج شه‌مبی (ژ لایێ ملیاکه‌تێت زێرەڤانڤه) بۆ خودێ دھێنه گۆتن (و خودێ چێتر دزانیت)، كار و كریارێت (قاطع رحم) مرۆڤانی نه‌پارێز ناهێنه قه‌بویلكرن، ڤێجا بزانه چه‌ند پێنج شه‌مب ژی یێ ژ مرۆڤی دبۆرن و ئه‌و چه‌ندێ خوساره‌ته.
