ب : خرابيیا وی رێكێ ناده‌ته ته تو ژى یێ خراب بی، و دڤێت ئه‌م پشتا خۆ نه‌ده‌ینه مرۆڤانيیێ و نه‌بڕین، و هه‌كه مرۆڤێت من خراب ژی بن خرابيیێ ل خۆ دكه‌ن نه ل من دكه‌ن، و بلا خه‌له‌تی ژ لایێ وان ژی بیت، ھه‌لویستێ شه‌رعی ئه‌م ھه‌ر ل سه‌ر باشيیا خۆ بمینين، و وه‌کی وان نه‌که‌ین و ھه‌ر باشيیێ ل شوینا خرابيیێ بدانین، خودێ مه‌زن دبێژیت: (وَلاَ تَسْتَوِى الْحَسَنَةُ وَلاَ السَّيِّئَةُ ادْفَعْ بِالَّتِى هِىَ أَحْسَنُ فَإِذَا الَّذِى بَيْنَكَ وَبَيْنَهُ عَدَاوَةٌ كَأَنَّهُ وَلِىٌّ حَمِيمٌ وَمَا يُلَقَّاهَا إِلاَّ الَّذِينَ صَبَرُواْ وَمَا يُلَقَّاهَآ إِلاَّ ذُو حَظِّ عَظِيمٍ وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيمُ) باشی و خرابی وه‌کی ئێک نابن؛ ب یا چێتر خرابيیێ پێ نه‌ھێله، ئه‌گه‌ر ته ئه‌ڤه کر، ھنگی دێ بینی ئه‌وێ دژمنایی د ناڤبه‌را ته و ویدا ھه‌ی، دێ وه‌کی ھه‌ڤاله‌کێ نێزیک و خۆشتڤی لێ ئێت. و که‌س ناگه‌ھیته ڤێ پله‌یێ کو باشيیێ شوینا خرابیيێ دانیت، ئه‌و نه‌بن ئه‌وێت سه‌برکێش، و که‌س وه‌ناکه‌ت، خودان خێره‌کێ مه‌زن نه‌بیت.
مرۆڤه‌ک ھاته ده‌ڤ پێغه‌مبه‌ری (سلاڤێت خودێ ل سه‌ربن)، گازندا خۆ د راستا مرۆڤێت خۆ یێت خرابدا گه‌ھانده پێغه‌مبه‌ری (سلاڤێت خودێ ل سه‌ربن)، به‌لێ پێغه‌مبه‌ری (سلاڤێت خودێ ل سه‌ربن) نه‌گۆتێ: تو ژی وه‌کی وان بکه. ئه‌بو ھوره‌یره (خودێ ژێ رازی بیت) د ڤه‌گێرا موسلميدا دبێژیت: مرۆڤه‌ک ھاته ده‌ڤ پێغه‌مبه‌ری (سلاڤێت خودێ ل سه‌ربن) و گۆت: (يا رسول اللَّه إِنَّ لي قَرابَةً أَصِلُهُمْ وَيَقْطَعُوني، وَأُحسِنُ إِلَيْهِمِ وَيُسيئُونَ إِليَّ، وأَحْلُمُ عنهُمْ وَيجْهلُونَ علَيَّ، فقال: لَئِنْ كُنْت كما قُلْتَ، فَكَأَنَّمَا تُسِفُّهُمُ المَلَّ، ولا يَزَاالُ معكَ مِنَ اللَّهِ ظهِيرٌ عَلَيْهِمْ ما دمْتَ عَلَى ذَلكَ) یا پێغه‌مبه‌رێ خودێ، من ھنده مرۆڤێت ھه‌ین ئه‌ز خۆ دگه‌ھینمێ ئه‌و خۆ ژ من دویر دئێخن، و ئه‌ز قه‌نجیيێ لێ دکه‌م، ئه‌و خرابيیێ دگه‌ھیننه من، و ئه‌ز بێھنا خۆ ل وان فره‌هـ دکه‌م.. ئه‌و ئاخفتنا دبێژنه من، گۆت: ھه‌که تو یێ وه‌سابی وه‌کی ته گۆتی، ھه‌روه‌کی تو تۆزا گه‌رم دده‌یێ، و به‌رده‌وام دێ ته ھاریکاری ژ خودێ ل سه‌ر وان ھه‌بیت ھندی تو ل سه‌ر ڤێ بی.
