ب / دەستپێكى دڤێت ئەم گەلەك و گەلەك ل رۆژا خوتبە د هشيار بين، و ل سەر د رژد بين و نەهێلين ژ مە بچيت، چونكى خودێ مەزن ئەمرێ مە دكەت و دبێژيت: ((يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ)) گەلى خودان باوەران گاڤا رۆژا ئەينيێ بانگێ نڤێژێ هاتەدان هوين بۆ بيرئينانا خودێ و گوهدانا وەعزى و نڤێژا ئەينيێ هەرن، و كرين و فرۆتنێ بهێلن، ئەڤە هێلانا كرين و فرۆتنێ و گرتنا رێكا رازيبوونا خودێ بۆ هەوە چێترە ئەگەر هوين بزانن. پاشى دبێژيت: هشياريا سەر رۆژا خوتبە ئەو نينە تو چو نەكەى و خۆ بێ شۆل بهێلى، بەلكى هشيارى نڤێژا خوتبێبە و پاشى بەردەواميێ بدە كارآ خۆ، دبێژيت: ((فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ )) و ئەگەر نڤێژ هاتەكرن، رابن و د ئەرديدا بەلاڤ ببن و ژ رزقێ خودێ ب كارێ خۆ بخوازن، و گەلەك خودێ بيننە بيرا خۆ و زكرێ وى بكەن هەمى وەختان نەبەس وەختێ نڤێژان ب تنێ، دا هوين سەرفەراز ببن. و هەكە ئەم قەدر و بهايێ رۆژا خوتبێ بزانين و ئەم ب ساناهي ژ خۆ نابەين. پێغەمبەرێ خۆشتڤى (سلاڤێت خودێ لێ بن) دبێژيت: خێرترين رۆژ، رۆژ ل سەر هەلاتى رۆژا ئەينيە: د وێدا ئادەم يێ هاتيە چێكرن، و د وێدا يێ كريە د بەحەشتێدا، و د وێدا يێ ژێ هاتيە دەرێخستن. ديسا دبێژيت: هەركەسێ دەستنڤێژا خۆ بشۆت، دورست بشۆت، و بێتە خوتبێ، و گوهێ خۆ بدەتێ و خۆ بێ دەنگ بكەت، گونەهێت وى مابەينا وى و ئەينيێ هاتنە ژێبرن، و سێ رۆژێت دى ژى ل سەر زێدە، و هەركەسێ دەستێ خۆ بكەتە حەسحاسان (ئانكو ياريان پێ بكەت، يان دەمێ دچيتە سوجدێ دەستێ خۆ بدەتێ بۆ خۆ دەشتكەت، ئەڤە چونكى هنگى مزگەفتا پێغەمبەرى (سلاڤێت خودێ لێ بن) نەيا رايێخستى بوو) ئەو ئاخفت، يان كەفتە د باتليدا، يان خوسارەت بوو، يان تشتەكێ نەهەژى كر. ديسا دبێژيت: پێنج نڤێژ، و خوتبە هەتا خوتبێ، و رەمەزان هەتا رەمەزانێ، گونەهـ ژێبەرن بۆ د ناڤبەرا خۆدا هەكە ژ گونەهێت مەزن بێتە دويرئێخستن. و د راستا واندا ئەوێت سێ خوتبان بآ دەستويرى ژ خۆ دبەن: ئبن عومەر، خودێ ژ هەردوويان رازى بيت، دبێژيت: من گول پێغەمبەرێ خودێ بوو (سلاڤێت خودێ لێ بن) ل سەر دارێت مينبەرا خۆ دگۆت: هندە كەس يان دێ هێلانا خوتبا بەسكەن يان خودێ دێ سەر دلێت وان مۆركەت، پاشى دێ ژ بێ ئاگەهان بن. دويماهيێ ئەز دبێژم دەركەفتنا رۆژا ئەينى چونكى دەرفت رۆژێت دى نينە، نەژبەر هندێ هەما وان دڤێت ئەينيێ دەركەڤن چو تێدا نينە و دورستە و چو گونەهـ ل سەر وان نينە ب ئانەهيا خودێ، ئەڤە و بەلێ نڤێژا خوتبێ هەكە نێزيكى گوندەكى و مزگەفتەكا ئاڤاكرى بن بلا نڤێژا خۆ يا خوتبێ بكەن و ژ خۆ نەبەن و ئەڤە گەلەك باشترە، بەلێ هەكە چو مزگەفتێت نێزيك نەبن يان سەيارە نەبن پێ بچنە مزگەفتێ ئەو د ناڤبەرا دوو حەزادانە هەكە ئێك هەبيت خوتبێ بخوينيت و شيرەت و بيرئينانێت د جهێت خۆدا و خێرێ بەر گوهێت وان بێخيت باشە و دورستە، و هەكە نە بلا نڤێژا خۆ يا نيڤرۆ بكەن و خوتبە ل سەر وان نينە، و ئەڤا دويماهيێ ئەز دورستر ددانم و خودێ چێتر دزانيت. بەلێ بۆ خۆ نەكەنە عەدەت هەمي خوتبان ژ خۆ ببەن، بەلێ هات و چۆ خوتبەكێ دەركەفتن ژبەر نەبوونا دەرفەتێ رۆژێت دى، چو تێدا نينە ب وى مەرجێ مە گۆتى، و خودێ چێتر دزانيت.
