ب / خودێ نەخۆشيێت هەوە هەميان ب خێر بۆ هەوە بنڤێسيت و مە هميان بپارێزيت. نەخۆشى و كارەساتا نۆت و ئێكێ جارەكا دى نەئينيتە د رێكا مە و ملەتێ مەدا، و هاريكاريا مە بكەت ئەم چامە و دەرس و عيبرەتان بۆ خۆ ژ وان نەخۆشيان وەرگرين، پشتى ڤێ ئاخفتنا تە درێژيا خۆ يا هەى هەكە مەخسەد و ئنيەتا تە ئەو بيت يا خودێ ئەڤ نەخۆشيە هندى هند يا مەزنە بەرامبەرى جەهنەمێ دهێت، ڤێجا هەكە مە گونەهـ هەبن تو ڤێ ئيزا و نەخۆشيێ بۆ مە ئيزايێ جەهنەمێ بدانى و رۆژا قيامەتێ ب جەهنەمێ ئيزا نەدەى، چونكى مە د ژيانێدا ئيزايا خۆ خوار، هەكە ئەڤە مەخسەدا تە بيت نەگونەهە و چو تێدا نينە، و هەكە مەخسەدا تە نەرازيبوون بيت ل سەر قەدەرا خودێ ئەڤە يا خەلەتە و نەدورستە، چونكى ئێك ژ ستوينێت ئيمان و باوەريێ ئەوە مە باوەرى ب قەدەرێ هەبيت يا مە پێ خۆش و پێ نەخۆش، چونكى دەمێ پسيار ژ پێغەمبەرى (سلاڤێت خودێ لێ بن) هاتيەكرن باوەرى چيە گۆت: (باوەرى ئەڤەيە) تو باوەريێ ب خودێ و ملياكەتێت وى و كتێبێت وى و پێغەمبەرێت وى و رۆژا قيامەتێ بينى، و تو باوەريێ ب قەدەرێ بينى يا (بۆ تە) باش و يا (بۆ تە) خراب. (ئانكو يا ب دلێ تە و يا نە ب دلێ تە) ڤێجا مادەم تو يا پەشێمانى ئەڤە كارەكآ جوانە، چونكى پێغەمبەر (سلاڤێت خودێ لێ بن) دبێژيت: پەشێمانى تۆبەيە، و خودێ چێتر دزانيت.
