ب / دەستپێكێ ئەم دوعا ژ خودێ مەزن دكەين بەرێ وێ بدەتە تۆبە و باشبوونێ و ل خۆ بزڤريت، و هوين ژيانەكا خۆش پێكڤە ببەن، و كا چاوا هوين د دنيايێدا دگەلێكەن هۆسا هەوە ئاخرەتێ ژى د بەحەشتێدا بگەهينيتە ئێك، بەلێ بەرى تو بكەڤيە د ڤى كراسيدا ڤيابا تە هزرا خۆ كربا و تە گوهێ خۆ دابايە پێغەمبەرآ خۆشتڤى (سلاڤێت خودێ لێ بن) و تە ل سەر بنياتەكێ دورست هەلبژارتبا دا ئەڤرۆ نەكەتبايە د ڤى كراسێ بەرتەنگدا. هەكە ئەو نڤێژا نەكەت و سوبەهى ببيتە دەيك چاوا دێ ڤان بچويكا پەروەردەكەت و چاوا دێ نڤێژان پێ دەتەكرن، و پێغەمبەر (سلاڤێت خودێ لێ بن) د حەديسا بوخارى و موسلميدا دبێژيت: (تُنْكَحُ المَرْأَة لأَرْبعٍ: لِمالِهَا، وَلِحَسَبِهَا، وَلِجَمَالِهَا، ولِدِينِهَا، فَاڤفَرْ بِذاتِ الدِّينِ تَربَتْ يدَاك ) ئانكو: ژن بۆ چار تشتان دئێتە مارەكرن: بۆ مالێ وێ و بۆ مالباتا وێ و بۆ جوانيا وێ و بۆ دينێ وێ، بگەهە يا خودان دين (هەكە تە وەنەكر و ل سەر ڤى بنياتى ژن نەهەلبژارت) دەستێت تە ب ئاخێ بكەڤن و هەژار ببى. مەخسەدا حەديسێ ئاشكرايە دياردكەت خەلك بارا پتر ژنێ ژبەر ڤان هەر چار خاسلەتان دهەلبژێرن، ڤێجا يا فەرە ئەم ل سەر يا خودان دين رژد بين و وێ بگەهينە خۆ و ل سەر هەڤالينيا وێ د رژد بين. ڤێجا يا ئاشكرايە تە ئەڤ ئەمر و شيرەتە دەمێ لێگەريان و هەلبژارتنێ ب جه نەئينايە، تشتەكێ ئاساييە ئەم ڤەژانا كارێ خۆ بخوين، بەلێ دگەل هندێ ژى ئەم دەستخۆشيێ ل تە دكەين هشياربوونا تە ل سەر كرنا نڤێژان مادەم تو چو ل سەر خۆ نەهێلى و هەمى ئەگەر و رێكێت شەرعى ب جه دئينى وێ د بەر نڤێژانرا ببەى.. ئەڤە تو ژ گونەهێ دەركەفتى بەلێ ب مەرجەكى هەر يێ بەردەوام بى ل سەر ڤان شيرەتان و بێهنا خۆ ل وێ فرەهكەى ل سەر نەكرنا نڤێژا و دەست ژێ بەرنەدەى، چونكى كا چاوا ل سەر تە واجبە تو خۆ ب تاعەت و گوهداريا خودێ خۆ ژ ئاگرێ جەهنەمێ بپارێزى هۆسا واجبە تو مالا خۆ ژى ژ ئاگرآ جەهنەمآ بپارێزى، خودێ مەزن دبێژيت: ((يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ))گەلى خودان باوەران خۆ و مالێت خۆ ژ ئاگرەكى بپارێزن، داردوويێ وى مرۆڤ و بەرن، هندەك ملياكەتێت دلرەق و دژوار و ب هێز يێت ل سەر، و ئەو ملياكەت نەگوهداريا خودێ ناكەن ل سەر وى تشتێ ئەمرێ وان پێ هاتيەكرن، و وێ دكەن يا ئەمرێ وان پێ دئێتەكرن. ديسا خودێ مەزن دبێژيت: ((وَأْمُرْ أَهْلَكَ بِالصَّلَاةِ وَاصْطَبِرْ)) ئانكو: ئەمرێ مالا خۆ ب نڤێژێ بكە، و تو ژى ل سەر يێ بەردەوامبە، بەلێ ئەز دبێژم فەرە ب رێكا تە ئەڤێت هێژ خێزان پێك نەئيناين بۆ خۆ نامە و چامەيان ژ كراسآ تە وەرگرن چ كچ بيت چ كور ل سەر بنياتەكێ دورست و پێغەمبەراتيێ هەڤبەشێ ژيانا خۆ بهەلبژێرن دا نەكەڤنە د ڤى كراسيدا، چونكى ب راستى ئەڤ ئالۆزى و گرفتە زێدە د ناف جڤاكيدا يا هەى يان ژن نڤێژا دكەت و زەلام نڤێژان ناكەت و رۆژيان ناگرين يان بەروڤاژى زەلام يێ پێگرە بەلێ ژن نە، و ئەڤە ئالۆزيەكا مەزنە و ئەگەرێ وێ مسۆگەر سستى يا د جهئينانا فەرمانێت پێغەمبەرى (سلاڤێت خودێ لێ بن) و رێنمايێت شەريعەتيدا هاتيەكرن، و خودێ چێتر دزانيت.
ترسا ددهندێدا هەكە ئەو ژ نەباوەرى نڤێژان نەكەت نەسستى و بێ خەمى هنگى هوين بۆ ئێك و دوو نە ددورستن و نابيت بمينيتە دەف تە.
