ب / دەستپێكێ فەرە ئەم گرنگيەكا باش بدەينە وەسيەتێ و ئەم بزانين قورئانێ بەرێ مە يێ دايە وەسيەتكرنێ دەمێ دبێژيت: ((كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِن تَرَكَ خَيْرًا الْوَصِيَّةُ لِلْوَالِدَيْنِ وَالْأَقْرَبِينَ بِالْمَعْرُوفِ حَقًّا عَلَى الْمُتَّقِينَ)) ئانكو: ل سەر هەوە هاتە دانان، ئەگەر ئێك ژ هەوە كەفتە بەر مرنێ، و مالەكێ مەزن پاش خۆ هێلا، وەسيەتێ ب قەنجى بكەت بۆ دەيبابان و كەس و كاران، و ئەڤ وەسيەتە ئەركە ل سەر پارێزكاران. پاشى دبێژيت: ((فَمَن بَدَّلَهُ بَعْدَمَا سَمِعَهُ فَإِنَّمَا إِثْمُهُ عَلَى الَّذِينَ يُبَدِّلُونَهُ إِنَّ اللَّهَ سَمِيعٌ عَلِيمٌ)) ڤێجا هەر كەسێ پشتى بهيستى بگوهۆريت، ب راستى گونەه د ستۆيێ وانە يێت وەسيەتێ دگوهۆرن، و ب راستى خودێ گوهدێر و زانايە. پاشى دبێژيت: ((فَمَنْ خَافَ مِن مُّوصٍ جَنَفًا أَوْ إِثْمًا فَأَصْلَحَ بَيْنَهُمْ فَلَا إِثْمَ عَلَيْهِ إِنَّ اللَّهَ غَفُورٌ رَّحِيمٌ)) ئانكو پشتى هنگى هەچيێ پێ حەسيا وەسيەتكەر بەر ب گونەهێ چۆيە، چ ژ خەلەتى بيت و بێ دەستى چ ژى ژ قەستا، و رابيت ناڤبەرا وەسيەتلێكريان ئانكو: ميراتخۆران خۆش بكەت چو گونەهـ ل سەر نينە، ب راستى هەر خودێيە يێ گونەهان ژێ دبەت، و هەر ئەوە يێ دلۆڤان. ديسا پێغەمبەر (سلاڤێت خودێ لێ بن) د راستا وەسيەتێدا هەروەكى بوخارى و موسلمى ژ ئبن عومەرى (خودێ ژێ رازی بیت) ڤەگێراى، دبێژيت: (ما حَقُّ امْريءٍ مُسلِمٍ لَهُ شَيءٌ يُوصِي فِيهِ. يبِيتُ لَيْلَتَيْنِ إِلاَّ وَوَصِێتُهُ مَكْتۆبە عِنْدَهُ) ئانكو: نەحەقێ چو مرۆڤێت موسلمانە تشتەك هەبيت وەسيەتێ پێ بكەت، و دوو شەڤان بنڤيت هەكە وەسيەتا وى ل دەف وى يا نڤێسى نەبيت. ئبن عومەر (خودێ ژێ رازی بیت) دبێژيت: ئەوە من ژ پێغەمبەرێ خودێ (سلاڤێت خودێ لێ بن) گوه لێ بووى وەگۆتى شەڤەك تنێ ژى د سەر منرا نەبۆريە و وەسيەتا من يا نڤێسى نەبيت ل دەف من. پشتى ڤێ دێ بێژين هەكە وەسيەت ب مافەكێ وەسيەتكەريڤە يا گرێداى بيت وەكى هندە مالێ خۆ دويف تخويبێت شەرعى بكەتە وەسيەت بۆ ئێكآ وەسيەت بۆ بكەڤيت نە ژ ميراتخۆران دڤێت ئەو وسيەت بێتە ب جهئينان و بەرى ميراتگرێت وى ميراتێ وى لێكڤەكەن، چونكى د هەمى ئايەتێت ميراتيدا خودێ مەزن دبێژيت: ﭽ ﯫ ﯬ ﯭ ﯮ ﯯ ﭼ پشتى جهئينانا وەسيەتا مرى كرى ((مِن بَعْدِ وَصِيَّةٍ يُوصَىٰ بِهَا )) پشتى جهئينانا وەسيەتا وان كرى ((مِن بَعْدِ وَصِيَّةٍ يُوصين بِهَا)) پشتى جهئينانا وەسيەتا هەوە كرى ((مِن بَعْدِ وَصِيَّةٍ تُوصون بِهَا)) پشتى جهئينانا وەسيەتا بێ زيان، بەرێ خۆ بدێ د هەمى كراساندا ميرات يێ كێ بيت و بۆ كێ بيت ناهێتە لێكڤەكرن هەتا وەسيەتا تێدا هاتيەكرن نەهێتە ب جهئينان، بەلێ هەكە وەسيەت ب تشتەكێ دى بيت نەمافێ خودانێ وەسيەتێ بيت، واجب نينە بێتە ب جهئينان، وەكى گەلەك داپير و باپير وەسيەت دكەن ئەڤ نەڤيا من بۆ فلان نەڤيێ منە ئەڤ وەسيەتە واجب نينە بێتە ب جهئينان ژبلى هەكە ئەو د رازى بن، بەلێ خورتى لێ بێتەكرن چونكى وەسيەتا دەيبابايە يان داپير و باپيرايە، نەخێر.. ئەڤە نەدورستە و ئەڤ وەسيەتە نەواجبە بێتە ب جهئينان. ديسا وەسيەت بكەت هەكە ئەز مرم فلان من بشۆت يان ل فلان جهى بێمە ڤەشارتن، ئەڤ وەسيەتە نەواجبە بێتە ب جهئينان، بەلێ هەكە ببيت و زەحمەت بۆ كەسێ دورست نەبيت و ب دلێ وان بيت باشە وەسيەت بێتە ب جهئينان، و خودێ چێتر دزانيت.
