پ / يا باش ئەوە لەز ل سەرشويشتنێ بێتەكرن بەلێ نەواجبە، چونكى خودێ مەزن دبێژيت: ((وَإِن كُنتُمْ جُنُبًا فَاطَّهَّرُوا)) ئانكو: و ئەگەر هوين د بێنڤێژ بن (ب جەنابەت بن) خۆ بشۆن، بەلێ ئەڤ لەزاتيە موستەحەبە و باشە و نەواجبە و هەكە گيرۆكەت نەيێ گونەهكارە بەلێ ب مەرجەكى نڤێژ ژێ نەچيت و بۆ هەيە شەڤێ بنڤيت و سپێدێ سەرێ خۆ بشۆت و باشتر ئەوە هەكە هەر سەرێ خۆ نەشۆت و گيرۆكەت ئەو دەستنڤێژا خۆ بگريت پاشى بنڤيـت، و هەكە د ڤى كراسيدا مر و نەگەهشت سەرێ خۆ بشۆت نەيێ گونەهكارە، چونكى دێ هەر سەرێ وى هێتە شويشتن، و خودێ چێتر دزانيت.
