ب / بۆ دايبان هەيە بچويكێت خۆ بترسينن دا خەلەتيا نەكەن و بۆ وان هەيە بقوتن ژى بلا قوتانەكا سڤك و نەيا دژوار بيت، و نابيت دربا ل سەروچاڤان و جهێت مەترس بدن وەكى بێهنا وان يان نافلنگێت وان، و نابيت دربەكآ وەسا بيت شوينواران بهێليت و ببيتە نيشان ل سەر لەشآ بچويكى. دەليل ل سەر قوتانا بچويكى پێغەمبەر (سلاڤێت خودێ لێ بن) دبێژيت: ((فەرمان و ئەمرێ بچويكێت خۆ ب كرنا نڤێژان بكەن، و ئەو حەفت سالى، و سەرا نەكرنا نڤێژان بقوتن و ئەو دەهـ سالى و جهێت وان ژێك جوداكەن)). ئيمامێ سەبكى دبێژيت: ئەم جانەوەران دقوتين هەكە خەلەت بوون ڤێجا چاوا بچويك ناهێتە قوتان بۆ پەروەردەكرن و تۆرەئێخستن هەكە خەلەتى كر، و پشتى دەه ساليێ هەكە نڤێژ نەكرن دڤێت ب ڤى رەنگى بێتە قوتان: نابيت پێش چاڤێت كەسێ بێتە قوتان دا نەشكێت، و شەرمێ ژ خۆ نەكەت، و دڤێت د كراسآ كەربگرتنێدا نەهێتە قوتان، چونكى هنگى دبيت نەدورست و دژوار دێ هێتە قوتان، و ئەڤە يا خەلەتە، و دڤێت درب ب سەر و چاڤان و نافلنگان و بێهنا وى و جهێت مەترسيدار نەكەڤن، و دڤێت دژوار نەهێتە قوتا نە هەستى بشكێت و نە پيست بريندار ببيت و ژ دەهـ دربان نەبۆريت، و خودێ چێتر دزانيت.
