ب / حەرام ئەو تشتە يێ شەريعەتى نەهيا مە ژێكرى، و ئەمرێ مە كرى ئەم خۆ ژێ بدەينە پاش، و يآ خۆ ژێ نەداپاش يێ گونەهكارە نموونە ژ قورئانێ: ((يَا أَيُّهَا الَّذِينَ آمَنُوا لَا تَأْكُلُوا أَمْوَالَكُم بَيْنَكُم بِالْبَاطِلِ إِلَّا أَن تَكُونَ تِجَارَةً عَن تَرَاضٍ مِّنكُمْ وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا)) گەلى خودان باوەران مالێ ئێكدو د ناڤبەرا خۆدا ب نەهەقى نەخۆن وەكى سەلەفێ و قومارێ و زەبتكرنێ ( احتكار) و دزيێ... هتد، بازرگانيەكا هوين ل سەر قايل نەبن ئانكو: ب كرين و فرۆتنان هەردوو ئاليێت قايل بخۆن و ب رێكێت دورست و خۆ نەكوژن ژ بێهيڤيبوونێ بەرهنگاريا كوژەكيێ ب راستى خودێ دگەل هەوە يێ دلۆڤانە. و نموونە ژ حەديسآ هەروەكى موسلمى ڤەگێراي: (لا تَحاسدُوا ولا تناجشُوا ولا تَباغَضوا ولا تَدابرُوا ولا يبِعْ بعْضكُمْ عَلَى بيْعِ بعْض، وكُونُوا عِبادَ اللَّه إِخْواناً. المُسْلِمُ أَخۆ الْمُسْلِم لا يظلِمُه ولا يحْقِرُهُ ولا يخْذلُهُ. التَّقْوَى هَاهُنا ويُشِيرُ إِلَى صَدْرهِ ثلاَث مرَّاتٍ بِحسْبِ امْريءٍ مِنَ الشَّر أَنْ يحْقِر أَخاهُ المسلم. كُلَّ الْمُسْلِمِ عَلَى الْمُسْلِمِ حرامٌ دمُهُ ومالُهُ وعِرْضهُ) حەسويديێ ب ئێكدوو نەبەن، و ب سەر ئێكدوو زێدە نەكن ب ئنيەتا تێئێخستنێ و خوسارەتيا هەڤالێ خۆ، و كەربێت خۆ ژ ئێكدوو ڤەنەكەن و نەڤيانا ئێكدوو نەهەلگرن، و ژ ئێكدوو سل نەبن و پشتا خۆ نەدەنە ئێكدوو، و كرين و فرۆتنێ ل سەر كرين و فرۆتنا ئێكدوو نەكەن، و بەندەيێت خودێ بن و برايێت ئێك بن، (ئانكو هەڤكاريا براينيێ دگەل ئێكدوو بكەن) موسلمان برايێ موسلمانيە، نە ستەمێ لێ دكەت، نە كێم دكەت، و نە دهێليتە ب تنێ بێ هاريكارى، تەقوا و خودێ ترسى، ئها يا ل ڤێرێ و ئيشارەت كرە سينگێ خۆ سێ جاران، بەسى مرۆڤيە خرابى ئەو برايێ خۆ يێ موسلمان كێم بدانيت. هەمى تشتێ موسلمانى ل سەر موسلمانى حەرامە، خوينا وى و مالێ وى و نامويسا وى. و موحەممەد بن حەسەنێ شەيبانى دبێژيت: مەكروه ئەو تشتە يێ پتر نێزيكى حەرامى و نەحەرامە بەلێ يێ د ناڤبەرا حەلال و حەراميدا و نە دگەل حەلاليە و نە دگەل حەراميە بەلێ پتر نێزيكى حەراميە ژ حەلالى و باشتر ئەوە نەهێتەكرن و يآ كر نەيێ گونەهكارە و يێ نەكر ب ئنيەتا خێرێ يێ خودان خێرە، بەلێ نابيت مرۆڤ بەردەواميێ ل سەر مەكروهى بكەت، چونكى دێ بيتە رێك بۆ كرنا حەرامى، و نموونە ل سەر مەكروهي حەديسا بوخارى و موسلميە ل سەر كرنا سلاڤا مزگەفتآ بەرى روينى، مەكروه و نەباشە ل مزگەفتێ روينيە خوارآ بەرى دوو ركعەتان بكەي، پێغەمبەر (سلاڤێت خودێ لێ بن) دبێژيت: (إذا دَخَلَ أحَدُكم المسْجِدَ، فَلا يجلِسْ حَتَّى يُصَلِّێ رَكْعَتيْنِ) هەكە ئێك ژ هەوە چۆ د مزگەفتێڤە بلا نەروينيتە خوارێ هەتا دوو ركعەتان نەكەت. تو بچيە د مزگەفتێڤە ئێكسەر روينى نەحەرامە بەلێ نەباشە و مەكروهە يا باش ئەوە بەرى روينى دوو ركعەتان تەحيا مزگەفتێ بكەى پاشى روينى، و خودێ چێتر دزانيت.
