ب / حوريێت بەحەشتێ دوو پشكن، پشكەك ئەون ئەوێت دنيايێ دگەل مرۆڤى و هەر ژ نەژادێ زەلامينە، و بنياتێ هەردووكان ئێكە، خودێ مەزن دبێژيت: ((يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا )) لكينۆ پارێزكاريا خودايێ خۆ بكەن، باوەريێ پێ بينن و بپەرێسن ئەوێ هوين ژ ئێك گيانى ب تنێ ئافراندين، و ئەوى خودايى ژ وى گيانى هەڤسەرا وى ژێ چێكر و ئافراند و ژ ڤان هەردووكان گەلەك ژن و مێر دان و بەلاڤكرن، و هوين پارێزكاريا خودێ بكەن، ئەوێ هوين ب ناڤێ وى تشتان ژ ئێكدوو دخوازن، و هشيارى مرۆڤانيێ بن نەقەتينن، ب راستى خودێ ل سەر هەوە زێرەڤانە. و خودێ مەزن د راستا واندا ئەوێت رێكا خودێ گرتين و ژ بن ئەمر و فەرمانێت وى نەدەركەفتين و پارێزكاريا وى كرين دبێژيت: ((الَّذِينَ يُوفُونَ بِعَهْدِ اللَّهِ وَلَا يَنقُضُونَ الْمِيثَاقَ ))(( وَالَّذِينَ يَصِلُونَ مَا أَمَرَ اللَّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ))(( وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَٰئِكَ لَهُمْ عُقْبَى الدَّارِ))(( جَنَّاتُ عَدْنٍ يَدْخُلُونَهَا وَمَن صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ وَالْمَلَائِكَةُ يَدْخُلُونَ عَلَيْهِم مِّن كُلِّ بَابٍ)) و ئاقلدار ئەون ئەوێت پەيمانا خودێ ب جه دئينن، و ئەو پەيمانا وان دايە خودێ ناشكێنن. و ئەون ئەوێت يا خودێ فەرمان پێ دايى، دگەهيننە ئێك وەكى مرۆڤاتيێ و چاڤدێريا ئێتيم و هەژاران، و ژ خودايێ خۆ دترسن و پارێزكاريا وى دكەن، و سەهمێ ژ حسابا رۆژەكا رەش دكەن. و ئەون يێت بۆ نكارێ (رازيبوونا) خودێ بێنا خۆ فرەهـ دكەن ل سەر گوهداريا خودێ، و ل سەر تشتێ حەرام، و ل سەر قەدەرا خودێ، و نڤێژێت خۆ وەكى خودێ ژێ ڤيايى دكەن، و ئاشكەرا و نەپەنى ژ وى رزقێ مە دايێ ددەن و دكەنە خێر، و باشيێ شوينا خرابيێ ددانن، و خرابيێ ب باشيێ ددەنە پاش، ئەڤان خەلاتێ وان بەحەشتە. بەحەشتێت ئاكنجيبوونێ، ئەوێت ئەو و ئەوێت قەنج ژ دەيباب و هەڤسەر و دويندەها خۆ دچنە تێدا، و ملياكەت د هەمى دەرگەهانرا ب سەر وانڤە دچن و سەرا وان ددەن. دبێژنێ سلاڤ ل هەوە بن ژبەر وێ بێنفرەهيا هەوە ل سەر پارێزكاريا خودێ كرى، هەوە پيرۆز بيت ئەڤ دويماهيا هۆسا يا جوان. و ديسا دبێژيت: ((إِنَّ أَصْحَابَ الْجَنَّةِ الْيَوْمَ فِي شُغُلٍ فَاكِهُونَ ))(( هُمْ وَأَزْوَاجُهُمْ فِي ظِلَالٍ عَلَى الْأَرَائِكِ مُتَّكِئُونَ))(( لَهُمْ فِيهَا فَاكِهَةٌ وَلَهُم مَّا يَدَّعُونَ))(( سَلَامٌ قَوْلًا مِّن رَّبٍّ رَّحِيمٍ )) و بەحەشتى ئەڤرۆ ب خۆشيانڤە د مژويلن. ئەو و هەڤسەرێت خۆ ل بەر سيبەران و ل سەر تەختان د پالداينە. وان د بەحەشتێدا هەمى رەنگێت فێقى يێت هەين، و هەر تشتێ ئەو بخوازن. و سلاڤ، ب گۆتن ژ دەف خودايێ دلۆڤان، ل وان دئێتەكرن. و كا چاوا هەڤسەرێت خودێناس د بەحەشتێدا دگەلێكن هۆسا يێت خرابكار و خودێ نەنياس دێ د جەهنەمێدا گەلێك بن خودێ، مە و هەڤسەرێت مە بپارێزيت، و مە گەلێك بكەتە بەحەشەتى، خودێ مەزن د راستا واندا دبێژيت: ((احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ))(( مِن دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ)) ئەوێت ستەم كرين و هەڤالێت وان يێت وەكى وان و ئەوێت وان شوينا خودێ دپەرستن، كۆم بكەن. و بەرێ وان بدەنە رێكا دۆژەهێ. خودانێ تەفسيرا (التسهيل لعوم التنزيل) دبێژيت و (ازواجهم) هەڤالێت وان يێت وەكى وان و هەڤسەرێت وان يێت وەكى وان و پشكا دى يا حوريان بۆ قەدرگرتن و خەلاتكرن خودێ بۆ وان يێت بەرهەڤ و چێكرين. و هندە دەقێت جودا جودا يێت هاتين ئەو يێت ژ زەعفەرانێ يان مسكێ يان عەنبەرێ يان كافورێ يان ژ تەسبيحا ملياكەتان يێت چێبووين، بەلێ هەروەكى ئەلبانى (خودێ ژێ رازی بیت) دبێژيت: ئەڤ دەقە د لاوازن و پشت گەرمي پێ ناهێتەكرن و خودێ چێتر دزانيت كا ژ چ هاتينە چێكرن و پێدڤى ناكەت ئەم دويف بچين كا بنياتێ وان چيە، و خودێ چێتر دزانيت.
