ب / كەسێ ئەو ماف نينە وێ ژيانا خودێ دايێ ب دويماهى بينيت، ئەو نەبيت يێ دايى، و يێ وەكر وى گونەهەكا مەزن كر، و ئەوێ خۆ دكوژيت ئێك ژ دوويانە: هەكە خۆكوشتنێ دورست و حەلال ببينيت، هنگى ئەو دێ ژ بازنێ ئيسلامێ دەركەڤيت و هەروهەر دێ د جەهنەمێدا بيت و كا وى خۆ ب چ كوشتيە بەردەوام دێ خۆ ب وى تشتى كوژيت و كوژيتەڤە. و ل دۆر ڤى مرۆڤى بوخارى و موسلمى ژ ئەبو هورەيرە (خودێ ژێ رازی بیت) ڤەگێرايە دبێژيت: پێغەمبەرى (سلاڤێت خودێ لێ بن) گۆت: (من تَرَدَّى من جَبَلٍ فَقَتَلَ نَفْسَهُ فَهُوَ في نَار جَهَنَّمَ يتَرَدَّي فيه خَالِدًا مُخَلَّدًا فيها أَبَدًا وَمَنْ تَحَسَّى سُمًّا فَقَتَلَ نَفْسَهُ فَسُمُّهُ في يدِهِ يتَحَسَّاهُ في نَار جَهَنَّمَ خَالِدًا مُخَلَّدًا فيها أَبَدًا وَمَنْ قَتَلَ نَفْسَهُ بِحَدِيدَە فَحَدِيدَتُهُ في يدِهِ يجَأُ بها في بَطنِهِ في نَار جَهَنَّمَ خَالِدًا مُخَلَّدًا فيها أَبَدًا) هەركەسێ خۆ دچيايەكيدا بەردەت خۆ بكوژيت ئەو دێ د ئاگرێ جەهنەمێدا بيت هەروهەر دێ خۆ تێدا بەردەت و بەردەتەڤە، و هەركەسێ ژەهرەكێ ڤەخۆت و خۆ بكوژيت ژەهرا وى دێ د دەستێ ويدا بيت د ئاگرێ جەهنەمێدا بەردەوام دێ ڤەخۆت و ڤەخۆتەڤە، و هەركەسێ خۆ ب ئاسنەكى بكوژيت ئاسنێ وى دێ د دەستيدا بيت د ئاگرێ جەهنەمێدا دێ هەر ل زكێ خۆ دەت و هەروهەر دێ تێدا بيت. و د حەديسەكا ديدا ديسا يا بوخارى و موسلمى ڤەگێراى پێغەمبەر (سلاڤێت خودێ لێ بن) دبێژيت: (كان فيمن كان قبلكم رجل به جرح فجزع فأخذ سكيناً فحز بها يده فما رقأ الدم حتى مات. قال الله تعالى: بادرني عبدي بنفسه حرمت عليه الجنة) زەلامەكى ژ يێت بەرى هەوە برينەك ل دەستێ وى بوو بێهنا خۆ فرەهـ نەكر هەتا ئەز وى بمرينم لەزكر و خۆ كوشت.. ئينا من بەحەشت ل سەر وى حەرامكر، بەلێ هەكە وى حەلال و دورست نەدانايە و شەيتانى يێ سەردابرى، هنگى وى گونەهەكا مەزن كر و دڤێت هەر ئەو سزايێ ڤێ گونەهآ بخۆت، زەيدێ كورێ زەحاكێ ئەنسارى (خودێ ژێ رازی بیت) دبێژيت: پێغەمبەرى (سلاڤێت خودێ لێ بن) گۆت: (ومنْ قَتَل نَفسهُ بشيءٍ، عُذب بِهِ يوْم القِيامة) هەركەسێ خۆ ب تشتەكى بكوژيت، رۆژا قيامەتێ دێ پێ هێتە ئيزادان. هەلبەت بوخارى و موسلمى ئەڤ حەديسە ڤەگێرايە، و خودێ چێتر دزانيت.
