ب / يێ خۆ بكوژيت وى گونەهەكا مەزن كر، وەكى هەر مەزنە گونەهەكا هەبيت، و ئەو يێ ب هيڤيا دلۆڤانيا خودێڤە، ڤيا دێ ئيزادەت و ڤيا دێ ئازاكەت. و ئەو حەديسێت هاتين يێ خۆ دكوژيت هەروهەر دێ د ئاگر و جەهنەمێدا بن، زانايان چەند ئاخفتن ل دۆر رامانا وێ حەديسێ يێت هەين، چونكى مرۆڤێ موسلمان هەروهەر د جەهنەمێدا نابيت، دبێژن: ئەو دێ هەروهەر د جەهنەمێدا بيت يێ خۆكۆشتنێ حەلال بدانيت و حەرام نەبينيت يان سزايێ وى يێ هەژى هەروهەر د جەهنەمێدا بيت بەلێ خودێ دێ كەرمێ دگەل كەت و ناهێليتە د ڤى سزايدا يان ژى هەروهەر دێ تێدا بيت هندى خودێ بڤێت يان دێ دەمەكێ درێژ د جەهنەمێدا بيت. ژ ئەڤا بۆرى دورستە دوعا بۆ بێنەكرن و دورستە خێر بۆ بێنەكرن چ سەدەقە بن چ حەج و عومرە بن چ خێرەكا بەردەوام بيت وەكى مزگەفتەكێ يان خواندنگەهەكێ بۆ بێتە ئاڤاكرن يان هندە كتێب ب خێرا وى بێنە چاپكرن و هۆسا، و خودێ چێتر دزانيت.
