ب / يێ خۆ دكوژيت گونەهكا مەزن دكەت، و ژ دينێ خۆ نادەركەڤيت، و دورستە نڤێژ ل سەر بێتەكرن، و نڤێژ ل سەر دهێتەكرن، راستە پێغەمبەرى (سلاڤێت خودێ لێ بن) نڤێژ ل سەر نەكريە هەروەكى جابرێ كورێ سەمورەى د موسلمێدا دبێژيت: (أُتِى النبي (صل الله عليه وسلم) بِرَجُلٍ قَتَلَ نَفْسَهُ بِمَشَاقِصَ فلم يُصَلِّ عليه) زەلامەك ئينا دەف پێغەمبەرى (سلاڤێت خودێ لێ بن) خۆ ب تيران كۆشتبى پێغەمبەرى (سلاڤێت خودێ لێ بن) نڤێژ ل سەر نەكر، بەلێ پا سەحابان ل سەر كر، و حەديسزان دبێژن: پێغەمبەرى (سلاڤێت خودێ لێ بن) نڤێژ ل سەر نەكر دا ئەڤە بۆ خەلكى ببيتە پاشڤەبرن، هەروەكى پێغەمبەرى (سلاڤێت خودێ لێ بن) نڤێژ ل سەر دەيندارى نەدكر؛ دا خەلك دەينا نەهێلنە سەر خۆ نەكو نڤێژ ل سەر وان ناهێتەكرن، و پتريا پتر ژ زانايان دگەل هندێنە نڤێژ ل سەر دهێتەكرن، ژ وان: هەرچار سەر مەزهەب ئيمام ئەبو حەنيفە و ئيمام مالك و ئيمامێ شافعي و ئيمام ئەحمەد خودێ ژ وان هەميان رازى بيت، و زانايێت گۆتين نڤێژ ل سەر ناهێتەكرن ژبەر گونەها وان عومەرێ كورێ عەبدولعەزيزى و ئەوزاعي ب تنێنە، و خودێ چێتر دزانيت.
