ب / دڤێت ژن بەرەڤانيێ ژ خۆ و نامويسا خۆ بكەت، و نەهێليت دەستدرێژى ل سەر بێتەكرن ب هەر رەنگەكێ هەبيت، و هەكە ئەو هاتە كوشتن ئەو گەهشتە جهەكێ بالا و بلند و خێرا شەهيدان بۆ هاتە نڤێسين، چونكى پێغەمبەر (سلاڤێت خودێ لێ بن) دبێژيت: (ومنْ قُتِل دُونَ عرضه فهُو شهيدٌ) و هەركەسێ سەرا نامويسا خۆ بێتە كوشتن ئەو شەهيدە. و هەكە وێ ئەو كوشت ئەو خوينا وى ژى نادەت و خوينا وى ب هەروە چۆ، و مرۆڤێت وى ماف نينە داخوازا خوينێ بكەن. پسيار ژ ئيمام ئەحمەدى هاتەكرن تشتەك ل سەر ژنێ دچيت بەرەڤانيێ ژ خۆ بكەت و د بەرەڤانيێدا زەلام بێتە كوشتن؟ كۆت: چو ل سەر ناچيت، پاشى حەديسەك ژ ئيمام زوهرى ڤەگێرا ژ قاسمێ كورێ موحەممەدى ژ عوبەيدێ كورێ عومەيرى، گۆت: زەلامەكى هندەك ژ هوزيليان مێڤان كربوون، زەلامەك بەرهنگارى ژنەكآ بوو ئينا وێ بەرەك هاڤێتێ و كوشت، عومەرێ كورێ خەتابى (خودێ ژێ رازی بیت) گۆت: ئەز ب خودێ كەمە ئەو خوينا وى نادەت. ڤێجا هندى ئەو بەرەڤانيێ ژ خۆ بكەت ئەو يا ستەملێكريە و خودێ دێ خەلاتێ وێ دەتێ، بەلێ هەكە وێ خۆ كوشت.. هنگى ئەو بوو ستەمكار شوينا ستەملێكرى، و هەكە پشتى هاتيە كرێتكرن يان ب حال كەفتى خۆ كوشت ئەو يا گونەهكارە، و ئەڤ كراسێ ئەو كەفتيە تێدا بۆ وێ دورست ناكەت ئەو هزرا كوشتنا خۆ بكەت، نەكو خۆ بكوژيت! هەكە وەكر ئەڤە وێ گوهآ خۆ دا شەيتانى و ئەو سەردابر و گونەهكار بوو، و حوكمێ وێ ئەوە يێ خۆ دكوژيت، هەكە حەلال بدانيت هنگى دێ هەروهەر د جەهنەمێدا بيت، و هەكە نە هۆسا بيت گونەهەكا مەزن كر خودێ ڤيا دێ سزادەت و ڤيا دێ لێ بۆريت، و خودێ چێتر دزانيت.
