ب / گەلەك جاران جهێ ئێك و دوو دگرن هەكە ئنيەت ئێك بيت، بەلێ باراپتر عەهد موكمترە ژ وەعدى و ب چۆنا دەستيڤە يان سويندێڤە يا گرێدايە، لەوا هندە زانا دبێژن: يێ عەهدەكى بدەت و ب جه نەئينيت، ئێك: يێ گونەهكارە و دڤێت شوينا وێ ب جه نەئينانێ دڤێت كەفارەتا سويندێ بدەت، چونكى عەهد جهێ سويندێ دگريت، و وەعد ئەوە تو بۆ خۆ بدانى تشتەكى بكەى پاشەرۆژێ، و گەلەك جاران ب مەرجيڤە گرێدايە و ب جه نەئينانا وەعدى گونەهە، چونكى سالۆخەتێ دوورويانە. ئيمام موسلم (خودێ ژێ رازی بیت) ژ ئەبو هوريرە ڤەدگێريت دبێژيت پێغەمبەرى (سلاڤێت خودێ لێ بن) گۆت: ((نيشانا دووروى سێنە: هەكە ئاخفت درەوكر، و هەكە ژڤان دا ب جه نەئينا، و هەكە باوەرى پێ هاتەئينان خيانەتكر))، و د ريوايەتەكا ديدا: ((خۆ هەكە رۆژيان بگريت و نڤێژان بكەت و خۆ موسلمان بدانيت)). و هەكە بێى دەستويريا شەرعى ب جه نەئينا ژبلى گونەهێ چو دى ل سەر نينە و كەفارەتێ نادەت چونكى وەعد د هێزا عەهديدا نينە، و خودێ چێتر دزانيت.
