ب / دەستپێكێ ئەم دبێژين ئانەهيا خودێ ئەڤە دويماهيك بەلابيت ب دەستێت تە چێببيت، و ب راستى ب چو رێكان دورست نينە بۆ مرۆڤێ موسلمان نێزيكى كوشتنێ ببيت ب خەلەتى و بێ دەستى نەبيت، خودێ مەزن دبێژيت: ((وَمَا كَانَ لِمُؤْمِنٍ أَن يَقْتُلَ مُؤْمِنًا إِلَّا خَطَأً)) بۆ چو خودان باوەر و موسلمانان نابيت و نەدورستە باوەردارەكى بكوژيت ب بێ دەستى نەبيت. پاشى ئەمر كر: ((وَمَن قَتَلَ مُؤْمِنًا خَطَأً فَتَحْرِيرُ رَقَبَةٍ مُّؤْمِنَةٍ وَدِيَةٌ مُّسَلَّمَةٌ إِلَىٰ)) هەتا دگەهيتە ((فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِّنَ اللَّهِ وَكَانَ اللَّهُ عَلِيمًا حَكِيمًا)) ئانكو: هەركەسێ باوەردارەكى بێ دەستى ژى بكوژيت جزايێ خوينێ ژى بدەت و بەندەيەكێ موسلمان ژى ئازا بكەت و يێ بەندە ب دەست نەكەڤيت يان شيان نەبن ب دەست خۆ بێخيت تۆبا وى ئەڤەيە: دوو هەيڤان ل سەر ئێك بێ ڤەبرين ب رۆژى بيت. ڤێجا ئەو شوفێرێت سستيێ د ياسا و شيرەتێت هاتن و چۆنێدا دكەن ئەو د گونەهكارن و دڤێت ژبلى خوينێ كەفارەتێ ژى بدەن ئەو دوو هەيڤان ل سەرێك ب رۆژى بن. بەلێ هەكە شوفێرى چ كێم چ زێدە سەرپێچى د ياسا و شيرەتێت هاتن و چۆنێدا نەكريە، و نەكو ئاگەه ژ خۆ نەبوويە و هەمى سەرپێچى دكەڤيتە رەخێ دى چو ل سەر شوفێرى ناچيت، بەلێ هەكە خۆ چەند كێم ژى بيت سەرپێچى هەبيت چ د لەزێدا يان د هەر تشتەكێ ديدا.. هينگێ دڤێت خوينێ ژى بدەت و كەفارەتێ ژى بدەت. و وەرگرتنا خوينێ ژ لايێ خودانێ مريڤە دورستە و حەلالە و چو تێدا نينە، چونكى خودێ دبێژيت: دوو تشت ل سەر بكوژێ بێ دەستى يێت هەين، ئێك: كەفارەت، و ڤێ هەلبژارتن و ئختيار تێدا نينە.. دڤێت بەندەيەكى موسلمان ئازاكەت، و هەكە نەشيا و نەبيت و ب دەست نەكەفت؛ هنگى دڤێت دوو هەيڤان و بێ ڤەقەتيان ب رۆژى بيت، و دڤێت خوينا وى ژى بدەتە خودانێت مرى ـ ژبلى ئەو ژێ نەوەرگرن و ئازاكەن ـ و هندى ژ تە وەرگرتبيت ناگەهيتە ئەو خوينا د سونەتا پێغەمبەريدا هاتى (سلاڤێت خودێ لێ بن)، ڤێجا دلێ خۆ نەئێشينە و حەمدا خودێ بكە د دنيايێدا تە سزايێ خۆ دا و نەهاتە گيرۆكرن بۆ ئاخرەتێ هنگى دا بارێ تە يێ گران بيت و تە چەند دابيت خودێ بۆ تە بەدەلڤەكەت، و خودێ چێتر دزانيت.
