ب / دەستپێكێ دڤێت ئەم زێدە زێدە ژ خودێ بترسين، و نەكەڤينە د گونەها زەبكرنا عەردێ غەيرى خۆ، خۆ هەكە بهۆستەك ژى بيت. بوخارى و موسلم ژ عەمرێ كورێ نوفەيلى (خودێ ژێ رازی بیت) ڤەدگێرن، دبێژيت: (سَمِعْتُ رَسُولَ اللَّهِ صَلّى اللهُ عَلَيْهِ وسَلَّم يقُولُ: مَنْ أَخَذ شِبْراً مِنَ الأرْض ڤلْماً، طوِّقَهُ إلى سبْعِ أرضينَ) من گول پێغەمبەرێ خودێ بوو (سلاڤێت خودێ لێ بن) دگۆت: هەركەسێ تەمەت بهۆستەكێ ژ ستەم ئەردەكى راكەت (ئانكو بهۆستەكا ئەردى ژ نەحەقى زەبكەت) خودێ دێ حەفت تەخێت ئەردى ئێخيتە ستۆيێ وى (ئانكو يان دێ هێتە فەرمانكرن هندى وى ئەردى هەتا حەفت تەخان بهەلگريت، يان خودێ دێ ستۆيێ وى درێژكەت و وەكى تۆكێ حەفت تەخێت ئەردى ئێخيتە ستۆيێ وى، يان ژى گونەهێ دێ ئێخيتە ستۆيێ وى و دێ ب ستۆيێ ويڤە مينيت هەروەكى تۆك ب ستۆيڤە دمينيت). و هەكە هات و چۆ داروبار چاند دڤێت ئەو وان دارا دەربێخيت و بۆ وى نينە ئەو بهايآ وان داران ژ خودانێ ئەردى بخوازيت ژبلى هەكە خودانێ ئەردى ژ نك خۆ تشتەكى بدەتێ و ژێ بخوازيت داران نەدەرێخيت، و خودێ چێتر دزانيت.
